Ministria e Mbrojtjes - Arkivi 2008-2013

Perspektiva gjinore në Forcat e Armatosura Shqiptare (raport 2013)

Ky raport është një panoramë e përfshirjes së femrave në Forcat e Armatosura Shqiptare (FASH) për vitin 2013 dhe iniciativat e ndërmarra për forcimin e kapaciteteve dhe perspektivës gjinore institucionale.

Raporti vjetor në pdf


Vendim i Këshillit të Ministrave mbi "Intregrimin gjinor në programin buxhetor afatmesëm"

Dokumenti në pdf


Raport Vjetor 2011 për Barazinë Gjinore dhe Shanset e Barabarta në FA

Raporti Vjetor 2011, është një panoramë e gjendjes aktuale të përfshirjes së femrave në Forcat e Armatosura shqiptare. Ai prezantohet çdo vit në Konferencën Vjetore të “Komitetit të NATO për Perspektivën Gjinore”, e cila zhvillohet në muajin maj, në HQ NATO në Bruksel dhe gjendet i publikuar në website e NATO.

Raporti pasqyron politikat e deritanishme dhe progresin e bërë për implementimin e Rezolutës 1325 të Këshillit të Sigurimit të OKB, për barazinë gjinore dhe shanset e barabarta në FA; për rritjen e pjesëmarrjes së femrave në operacionet paqeruajtëse, në parandalimin dhe zgjidhjen e konflikteve dhe iniciativat e ndërmarra për përfshirjen më të gjerë të tyre në pozicione dhe procese vendimmarrëse.
 

Barazia Gjinore dhe Shanset e Barabarta

Mekanizmi Kombëtar për Barazinë Gjinore dhe Dhunën në Familje funksionon sipas kësaj skeme ligjore:

Autoriteti përgjegjës për zbatimin e ligjeve dhe të programeve shtetërore për çështjet gjinore dhe dhunës në familje është Ministri i Punës, Çështjeve Sociale dhe Shanseve të Barabarta (MPÇSSHB). Sipas Ligjit nr. 9970 datë 24.07.2008  “Për Barazinë Gjinore në Shoqëri” organe të tjera përgjegjëse për mbarëvajtjen e çështjeve gjinore janë:

1.  Këshilli Kombëtar i Barazisë Gjinore i ngritur me Urdhër të Kryeministrit Nr.3 datë 8.1.2009,  i cili është organ këshillimor për politikat gjinore. Ky Këshill  drejtohet nga Ministri që mbulon çështjet e barazisë gjinore dhe në përbërje ka 9 zëvendësministra dhe tre anëtarë përfaqësues të shoqërisë civile. 
Për Ministrinë e Mbrojtjes, anëtare në Këshillin Kombëtar të Barazisë Gjinore është Zëvendësministrja e Mbrojtjes zj. Zana Xhuka. 
2.  Drejtoria e Politikave për Shanset e Barabarta dhe Familjen, në MPÇSSHB
3.  Institucionet përgjegjëse për zbatimin e Strategjisë Kombëtare për Barazinë Gjinore dhe Dhunën në Familje (SKBGJDHF), përvec MPÇSSHB e cila luan rolin zbatues dhe koordinues për zbatimin e saj, institucione të tjera përgjegjëse në zbatim të Planit Kombëtar të Veprimit janë: 
3.1.Instucionet në nivel Qendror:
    a.Ministritë e linjës me institucionet vartëse të tyre. Në të gjitha Ministritë emërohen Nëpunësit Gjinorë, si persona përgjegjës për Çështjet Gjinore.
3.2.Institucionet  në nivel Vendor:  
    a.Njësitë e pushtetit vendor
    b.Nëpunësit vendorë për Çështjet Gjinore në nivel vendor
4.  Në  nivel Parlamentar, Çështjet Gjinore përfaqësohen nga Nënkomisioni për Minorenët dhe Shanset e Barabarta, i cili funksionon brenda Komisionit Parlamentar të Shëndetësisë, Punës dhe Çështjeve Sociale.
5.  Struktura Përgjegjëse Monitoruese
Monitorimi i SKBGJDHF kryhet nga Këshilli Kombëtar i Barazisë Gjinore përmes Drejtorisë së Politikave për Shanset e Barabarta dhe Familjen në MPÇSSHB. 
 

Aktet ligjore të përmendura më sipër mund t'i shkarkoni nga linket e mëposhtëm:

  • "Për Barazinë Gjinore në shoqëri" Ligji nr. 9970, datë 24.7.2008, rregullon çështjet themelore të barazisë gjinore në jetën publike, të mbrojtjes dhe trajtimit të barabartë të grave e burrave, për mundësitë dhe shanset e barabarta për ushtrimin e të drejtave, si dhe për pjesëmarrjen e ndihmesën e tyre në zhvillimin e të gjitha fushave të jetës shoqërore.

Dokumenti në pdf

  • "Këshilli Kombëtar i Barazisë Gjinore", i ngritur me Urdhër të Kryeministrit Nr.3 datë 8.1.2009

Dokumenti në pdf

  • "Për miratimin e Strategjisë Kombëtare për Barazinë Gjinore dhe Reduktimin e dhunës me bazë gjinore e dhunës në familje (2011-2015), dhe të Planit të Veprimit për zbatimin e saj" Vendim Nr.573, datë 16.6.2011

Dokumenti në pdf

  • "Gruaja, Paqja dhe Siguria" Rezoluta 1325(2000) e Këshillit të Sigurisë së OKB

Dokumenti në pdf