Ministria e Mbrojtjes - Arkivi 2008-2013

NATO deklaron kapacitetet e përkohshme të mbrojtjes raketore

Çikago, 20 maj 2012

Liderët e NATO, në samitin e Çikagos më 21 Maj, deklaruan se Aleanca tashmë ka një kapacitet të përkohshëm të mbrojtjes nga raketat balistike duke shënuar hapin e parë në zhvillimin sistemit të mbrojtjes raketore të NATO.

Në samitin Lisbonës më nëntor 2010, liderët e Aleancës ranë dakord që NATO të zhvillojë kapacitetet e mbrojtjes raketore për të ndjekur detyrën kryesore, atë të mbrojtjes kolektive.
“Në Lisbonë, ne ramë dakord të krijojmë një sistem për mbrojtjen raketore të NATO. Sot, në Çikago, ne e kemi deklaruar këtë si një realitet,” – tha Sekretari i Përgjithshëm i NATO-s Anders Fogh Rasmussen.

Në vazhdimësi të vendimeve të Lisbonës, Aleanca filloi zhvillimin e një sistemi të komandim-kontrollit, i cili do të jetë në gjendje të ndërlidhë asetet e mbrojtjes raketore të ofruara nga secili vend aleat për një mbrojtje koherente.
“Sistemi ynë do të lidhë së bashku asetet e mbrojtjes raketore të ofruara nga secili vend aleat – satelitët, anijet, radarët dhe interceptuesit – nën komandimin dhe kontrollin e NATO. Kjo do të na japë mundësinë të mbrohemi nga rreziqet jashtë zonës Euro-Atlantike,” – tha Sekretari i Përgjithshëm.

Kapaciteti i përkohshëm përmban një aftësi bazë të komandim-kontrollit, e cila është testuar dhe instaluar në Shtabin e Mbrojtjes Ajrore të Aleancës në Ramstein, Gjermani.
Objektivi afatgjatë i NATO është arritja e mbulimit të plotë dhe mbrojtje për të gjithë popullsinë, territorin dhe forcave europiane të NATO-s ndaj rreziqeve në rritje që vijnë nga përhapja e raketave balistike.
Ky objektiv do të arrihet me anë të Kapacitetit të Plotë Operacional, i cili pritet të arrihet rreth fundit të kësaj dekade ose në fillimet e dekadës së ardhshme.

Marrë nga faqja zyrtare e NATO-s: www.nato.int