Ministria e Mbrojtjes - Arkivi 2008-2013

Komandat Ajrore të NATO në Ramstein kalojnë testin e mbrojtjes raketore

04-05 prill 2012

Komandat Operacionale për kapacitetet e ardhëshme mbrojtëse territoriale balistike raketore të NATO kaluan një test të rëndësishëm teknik më 4-5 Prill pasi zhvilluan disa veprime luftarake të simuluara duke përdorur mjete nga e gjithë Aleanca.

Sistemet komanduese dhe kontrolluese të NATO për mbrojtjen balistike raketore, të vendosura në Shtabin e Komandës Ajrore Aleate (HQ AC) në Ramstein, Gjermani, u lidhën me bateritë e mbrojtjes raketore Patriot në Gjermani dhe Holandë, Destrojerin Amerikan "The Sullivans" në Mesdhe dhe elementët e komandave të NATO në Europë dhe Amerikën e Veriut, për të testuar aftësinë e Aleancës për të kundërshtuar sulmet e raketave.
Në një seri veprimesh luftarake të simuluara, Komanda Ajrore e Aleancës në Ramstein veproi si pikë lidhjeje ndërmjet gjithë aseteve të ndryshme, duke shkëmbyer informacion midis satelitëve paralajmëruesë, platformave të sensorëve të bazuara në tokë e det, interceptorëve dhe Komandave për mbikëqyrjen e mbrojtjes kundër raketave në hyrje.

Kjo ishte prova e parë në rolin e ri të Komandës Ajrore të Ramstein si komanda operacionale për mbrojtjen nga raketat balistike.
"Ky është vetëm hapi i parë, një hap shumë i vogël, por një hap shumë i rëndësishëm dhe nga ajo që kemi parë deri tani, një sukses," tha Gjenerali Mark A. Welsh, Komandanti i Komandës Ajrore të Aleacës në Ramstein.
Në fund të fundit, qëllimi i NATO është që të zhvillojë një aftësi të mbrojtjes nga raketat për të mbrojtur popullsinë Europiane të Aleancës, territorin dhe forcat, të vendosur nga Kryetarët e Shteteve të NATO në Samitin e Lisbonës në Nëntor 2010.

Stërvitja shënoi hapin e parë në implementimin e Komandimit dhe Kontrollit të sistemit të ardhshëm, një zhvillim që pritet të vazhdojë edhe në vitet në vijim.
"Unë besoj se ka qenë shumë e suksesshme. Ne kemi arritur të gjitha objektivat që kishim. Tërë ekipi i NATO ka bërë një punë madhështore për të krijuar kapacitete kur nuk kishte asnjë deri tetë muaj më parë. Ne nuk mund të bënim atë që bëmë sot pa Drejtimin Politik që Këshilli iI Atlantikut të Veriut na dha, ose drejtimi strategjik ushtarak (SACEUR) dhe personeli i tij në SHAPE na sigurojnë. Dhe shumë Agjenci të NATO dhe Zyra Planifikimi ndërtuan mjetet teknike që ne jemi duke përdorur sot. Këto mjete u provuan duke përdorur kapacitetin simulues dhe modelues (BMD) të Qendrës Europiane të Integruar të Mbrojtjes Ajrore dhe Raketore në Einsiedlerhof, Germany. Komanda Ajrore është vetëm një pjesë e vogël e përpjekjeve të NATO për këtë pjesë të misionit, por ne jemi shumë krenar për rolin që luajmë", tha Gjenerali Welsh.

Marrë nga ACO, në faqen zyrtare të NATO: www.nato.int