Ministria e Mbrojtjes - Arkivi 2008-2013

1 Tetori, “Dita ndërkombëtare e muzikës klasike”

b_230_173_16777215_00___images_homepage_1-tetori.jpgMe rastin e 1 Tetorit, “Ditës ndërkombëtare të muzikës klasike”, në QKMBM u dha një koncert nga formacioni i harqeve të Forcave të Armatosura “Vivida strings” në bashkëpunim me Këshillin e Muzikës Shqiptare, anëtar i Këshillit Ndërkombëtar të Muzikës - ICM dhe drejtorinë J9 në SHPFA. Të pranishëm në këtë aktivitet ishin pjesëtarë të Forcave të Armatosura. Dita Ndërkombëtare e Muzikës festohet prej vitit 1975, pas propozimit që i bëri UNESCO, violinisti i shquar me famë botërore Lord Menuhini.

Qëllimi i kësaj dite është popullarizimi i vlerave të muzikës dhe i faktit se muzika mund të ndikojë akoma më shumë, përveç argëtimit edhe në forcimin e miqësisë midis popujve dhe njerëzve. Koncerti i sotëm përmbante pjesë të repertorit muzikor të muzikës së kultivuar shqiptare dhe të huaj si: Mozart, Shtraus, Simon Gjoni, etj.

Formacioni muzikor i harqeve “Vivida” ështe formuar në vitin 2007, si një grup i përbërë nga violinistët Elona Islamaj; Lorin Lepuri; violistët Vjola Baholli; Ada Zala dhe violoncellisti Martin Kushi. Aktualisht “Vivida strings” është Formacion Harkor i Forcave të Armatosura në O.F.F.A (Orkestra Frymore e FA).

“Vivida” në latinisht do të thotë jetë, “vivida vis animi et corporis”(jetë që bashkon shpirtin dhe trupin) dhe pikërisht misioni i këtyre muzikantëve është të sjellin në audiencë çdo pjesë muzikore “vivida” të gjallë, me jetë, në mënyrë spontane, pasionante dhe me një performancë dinamike. Repertori i këtij grupi është shumë i larmishëm me vepra klasike, romantike, moderne me kompozitorë si Mozart, Tchaikovsky ,Brahms, Dvorak, Debussy, Japlin, De Curtis, dhe shqiptare si P. Jakova, P. Gaci; C. Zadeja, T. Daija, K. Laro, A. Peci; S. Tili etj.