Ministria e Mbrojtjes - Arkivi 2008-2013

Talentet në radhët e FA, nismë e re e QKMBM

3 dhjetor 2012

Foto Galeri

b_230_153_16777215_00___images_galeria_2012_Dhjetor_3_4.jpgNë kuadër të 100-vjetorit të Pavarësisë dhe krijimit të FARSH, Qendra e Kulturës, Medias dhe Botimeve së Mbrojtjes, Drejtoria e Aktiviteteve dhe Marrëdhënieve me Komunitetin, në bashkëpunim me Drejtorinë e Bashkëpunimit Civilo-Ushtarak në SHPFA, organizuan ditën e dielë, më datë 2 dhjetor, në sallën e madhe të QKMBM, aktivitetin: “Talentet brenda radhëve të FA”. Qëllimi i këtij aktiviteti ishte evidentimi i talenteve të reja të Forcave të Armatosura, dhe promovimi i tyre për publikun e gjerë.

Në këtë aktivitet ishin të pranishëm ministri i Mbrojtjes, Arben Imami, drejtoresha e Përgjithshme e QKMBM, Zerina Kuke, efektivë të Forcave të Armatosura, si dhe mjaft civilë që janë pranë Ministrisë së Mbrojtjes dhe Forcave të Armatosura.
Në fillim të këtij aktiviteti, u ekspozuan në hollin e QKMBM, piktura të personelit të FA. Major Faik Skopeci, paraqiti peizazhe të mjediseve shqiptare realiste, me kolorit të pasur; kapiten Karafil Celibashi,  krahas pikturave shfaqi dhe relieve në dru, si dhe simbole të principatave të arbrit me mjaft interes në kuadër të 100 vjetorit të Pavarësisë; toger Kent Xhelilaj, paraqiti peizazhe në natyrë; nëntogere Elona Bushi, krahas vizatimeve kishte dhe skulptura në allçi, dhe argjilë të pjekur. Më pas, zoti ministër, shpërndau certifikata për katër ushtarakët artistë në fjalë. Kurator i kësaj ekspozite ishte Ilir Xhaxhiu, specialist pikture në drejtorinë e Aktiviteteve dhe Marrëdhënieve me Komunitetin, në QKMBM. 
Fjalën hapëse të këtij aktiviteti e mbajti znj. Mira Bregu, e cila duke falënderuar të gjithë të pranishmit për pjesëmarrjen e tyre u shpreh se: “Në prag të 100-vjetorit të krijimit të Forcave së Armatosura të Republikës së Shqipërisë, krahas shumë aktiviteteve të tjera që Ministria e Mbrojtjes dhe Qendra e Kulturës, Medias e Botimeve të Mbrojtjes  po organizojnë, sonte po sjellim një aktivitet kulturor, i cili mbështet kryesisht talentet e ushtarakëve tanë, pjesëtarë të komandës së Forcave Tokësore, Forcave Ajrore, Komandës së Doktrinës dhe Stërvitjes, Brigadës Logjistike, Brigadës së Mbështetjes Rajonale, Regjimentit të Mbështetjes së Shtabit të Përgjithshëm së Forcave të Armatosura dhe Agjencisë së Sistemeve të Ndërlidhjes dhe Informacionit. Ky aktivitet synon përcjelljen përmes vlerave të artit, ndjenjën e atdhedashurisë, e cila qëndron në themel të misionit së ushtarakut. Ky aktivitet nuk mund të bëhej i mundur pa mbështetjen e zotit ministër dhe shefit të Shtabit të Përgjithshëm, prandaj një falënderim dhe nderim i madh,  nga ana e të gjithë artistëve ushtarakë që janë mes Forcave së Armatosura e në veçanti nga ana e  qendrës sonë, shkon për to”. Më tej, ajo u shpreh se në emër të QKMBM konstatojmë se krahas Orkestrës Frymore të FA, muzeut të ri të FA, do të kemi në të ardhmen edhe grupin tonë artistik të FA, që është një nismë mjaft e bukur, dhe si fenomen i ri ka nevojë për mbështetjen tuaj.
Aktiviteti vijoi me programin “Talentet brenda radhëve të FA”, i cili u prezantua nga PR II, Romina Hasa. Aty u shfaqën: Këngë patriotike nga kori; Vallja e Shqipeve, nga PR II Lorenca Gjonaj, kapter Nesim Gjuta, nëntetare Vojsava Kumbaro, PR II Fatjon Kuliçi, tetar Bilbil Koromani, PR II Eneida Bala, PR II Adelina HoxhA, rreshter Kasem Shehu; Poema “Drejt qindra shekujsh shkojmë” nga Fatos Arapi, e cila u interpretua nga Int. rreshtere Mihane Çanaku; Moj e bukura Shqipëri, e kënduar nga nëntogere Elona Bushi, kitarë PR II Pjer Nushi; Kënga e flamurit me çifteli nga kapter N. Gjuta, rreshter Musa Ibrahimi; Potpuri tiranase, nga rreshter Lulëzim Lici, nëntetar Ervin Kodra, shoqëron orkestra; Këngë polifonike, nga PR II Dritan Spahiu, tetar Lefter Sulemjani, Fanie Prifti, PR II Ledion Kaci, nëntetar Ferit Selimi, PR II Oiron Naqe, PR II Ditjon Spahiu, Silvana Çeta; Këngë kosovare nga kapter N. Gjuta, shoqëruar nga orkestra; poezia nga Dritëro Agolli “Turkesha” e interpretuar nga Int. nëntetar Altin Kelo; Vallja e burrave nga PR II D. Spahiu,  PR II L. Kaci, PR II O. Naqe, PR II D. Spahiu, tetar B. Koromani, PR II F. Kuliçi; këngë shkodrane, kënduar nga tetar Zaim Tollja&orkestra; Vallja e Tropojës nga kapter Shkëlqim Sokolaj, PR II L. Gjonaj, nëntetare V. Kumbaro, tetare Mirjeta Vata, PR II Adelina Hoxha, PR II R.Hasa; “Shqipëri o nëna ime” kënduar nga tetar z. Tollja dhe kori.