Ministria e Mbrojtjes - Arkivi 2008-2013

Aktivitet me rastin e “Ditës ndërkombëtare të xhazit”

30 prill 2013

Foto Galeri

b_220_147_16777215_00___images_galeria_kulture_30prill_13_02.jpgNë vijim të traditës së krijuar, edhe këtë vit, në kuadër të 30 prillit,“Ditës ndërkombëtare të xhazit”, shpallur nga Asambleja e Përgjithshme e UNESCO, Qendra e Kulturës, Medias dhe Botimeve të Mbrojtjes, organizojnë aktivitetin “Mesazherët e Xhazit”, e konceptuar si një koncert dhe bisedë për xhazin. Në këtë aktivitet referuan dhe luajtën muzikë dy figurat më të njohura të kësaj muzike në Shqipëri, Ermal Rodi në saks dhe Gent Rushi në piano.

Koncertin e ndoqën nxënës nga shkollat e mesme të kryeqytetit, familjarë dhe fëmijë të ushtarakëve si dhe punonjës të QKMBM. Muzikanti i njohur, Gent Rushi ka folur para pjesëmarrësve për figura të shquara botërore të muzikës xhaz. Muzika xhaz është vlerësuar si sinonim me lirinë, theksoi ai, dhe për këtë arsye është shumë e rëndësishme njohja me këtë kulturë dhe me personalitetet që e shndërruan xhazin si kulturë botërore. Ai solli të dhëna biografike për Thelonius Monk dhe vendin e tij në muzikën xhaz, për stilin muzikor si kompozitor dhe saksofonistin John Coltrane, për piano moderne dhe bashkëjetesën e xhazit me stilet e tjera përmes muzikës së H.Hancock, etj. Më pas, Ermal Rodi në saks dhe Gent Rushi në piano kanë luajtur pjesë nga krijimtaria e këtyre kolosëve të muzikës xhaz, duke krijuar një atmosferë të gëzuar dhe entuziazëm midis spektatorëve.

Ky aktivitet u ideua dhe u drejtua nga Genti Rushi.