Ministria e Mbrojtjes - Arkivi 2008-2013

Fëmijë dhe familjarë të ushtarakëve tur turistik në Jalë

18 qershor 2013

Foto Galeri

b_220_147_16777215_00___images_galeria_kulture_18qersh_13_02.jpgNën kujdesin e veçantë të ministrit të Mbrojtjes dhe shefit të Shtabit të Përgjithshëm të FA, Qendra e Kulturës, Medias dhe Botimeve të Mbrojtjes (QKMBM) organizuan një tur tre ditor turistik me fëmijë dhe familjarë të ushtarakëve në ambientet e Shtëpisë së Pushimit në Jalë, Himarë.
Ishin rreth 60 fëmijë dhe bashkëshorte të ushtarakëve që morën pjesë në këtë udhëtim mjaft mbresëlënës në brigjet e mrekullueshme të Jonit. Të gjithë këta fëmijë trajnohen prej vitesh në kurse të ndryshme që janë hapur pranë QKMBM, dhe kanë krijuar tashmë një traditë të bukur edhe në promovimin e veprimtarive artistike dhe kulturore, siç ishte edhe ky tur turistik.

Tre ditët e kësaj fundjave i dhanë një gjallëri të veçantë mjediseve të Shtëpisë së Pushimeve në Jalë. Fëmijët e talentuar nën drejtimin e trajnuesve të përkushtuar të QKMBM organizuan jo vetëm shëtitje buzë detit por shprehën talentin e tyre duke zhvilluar lojëra, gara interesante, këngë dhe kërcime, të cilat veç të tjerave, manifestuan edhe frymën e bashkëpunimit dhe të bashkimit si në një familje e madhe.
 
Turi tre ditor turistik i fëmijëve të ushtarakëve, shoqëruar nga nënat e tyre dhe familjarë të tjerë, organizuar këto ditë në një nga perlat e bregdetit tonë, në Jalë, është një fillim jashtëzakonisht i bukur i sezonit të pushimeve për të rinjtë, familjarët dhe fëmijët e ushtarakëve shqiptar.