Ministria e Mbrojtjes - Arkivi 2008-2013

Ministrat e Mbrojtjes bëjnë progres në mbrojtjen kibernetike

b_230_153_16777215_00___images_homepage_nato_12_korrik.jpgNë takimin e tyre të parë kushtuar mbrojtjes kibernetike më 04 qershor 2013, Ministrat e Mbrojtjes së NATO ranë dakord se kapacitetet e mbrojtjes kibernetike të Aleancës duhet të jetë plotësisht funksionale deri në vjeshtë, duke shtrirë mbrojtjen në të gjitha rrjetet në pronësi dhe në përdorim të Aleancës. “Ne ramë dakord që ta vazhdojmë ketë diskutim në takimin tonë të ardhshëm në muajin tetor, rreth faktit se si NATO mund të mbështesë dhe të ndihmojë aleatet të cilët kërkojnë ndihmë, nëse ata bien pre e një sulmi kibernetik”, tha Sekretari i Përgjithshëm. “Nuk do ta bëjmë këtë gjë bazuar në raporte të detajuara, të cilat i kemi caktuar sot. Sulmet kibernetike nuk ndalen vetëm brenda kufijve kombëtarë. As mbrojtjet tona nuk duhet të ndalen.” Gjithashtu, ministrat e Mbrojtjes diskutuan se si duhen trajtuar mungesat e aftësive në fusha të tjera kyçe përmes bashkëpunimit në projekte shumëkombëshe.

“Buxhetet e mbrojtjes po ulen dhe kostot e kapaciteteve moderne po rriten,” – theksoi Sekretari i Përgjithshëm. “Ka një mospërputhje mes asaj që kemi dhe asaj që na nevojitet, me shumë mungesa në shumë fusha, siç është furnizimi në ajër dhe inteligjenca, vëzhgimi dhe zbulimi.”

Sekretari i Përgjithshëm shtoi: “Duhet të përdorim sa më mirë paratë që kemi, përmes një bashkëpunimi më të mirë dhe më të zgjuar. Dhe vende europiane duhet të bëjnë më shumë për zvogëluar barrën e pabarabartë që aktualisht po mbajnë Shtetet e Bashkuara të Amerikës.” Andres Fogh Rasmussen përshëndeti interesin e shprehur nga ministrat në projektet shumëkombëshe që do të ndihmojnë në plotësimin e boshllëqeve të aftësive. Gjithashtu, ai përshëndeti vendimin për të dërguar një delegacion ekspertesh në Libi për të identifikuar se si NATO mund t’i përgjigjet kërkesës së kryeministrit libian për zhvillimin e forcave të sigurisë kombëtare të këtij vendi. Gjatë javëve në vazhdim, ministrat do t’i japin gjykimin e tyre të kujdesshëm analizës së ekipit të ekspertëve.