Ministria e Mbrojtjes - Arkivi 2008-2013

Arian Kraja

Sekretari i Përgjithshëm i Ministrisë së Mbrojtjes të Republikës së Shqipërisë
2013 -

b_170_221_16777215_00___images_homepage_Arian_Kraja_bg.pngZoti Arian Kraja që nga shtatori i vitit 2013 është Sekretari i Përgjithshëm i Ministrisë së Mbrojtjes.

Zoti Kraja ka një eksperiencë të gjatë në fushën e financës dhe sistemit bankar, që nga viti 1992 e deri në 2005. Gjatë kësaj periudhe ka ushtruar funksione të ndryshme në Bankën e Shqipërisë, si dhe ka përfaqësuar shtetin shqiptar në mjaft organizma ndërkombëtarë të sistemit bankar dhe sigurimit të depozitave.
 
Më pas ai ka drejtuar Fondin Amerikan të Pensioneve në Shqipëri, si dhe kompaninë Tring e specializuar në fushën e telekomunikimeve.
 
Zoti Arian Kraja është diplomuar në vitin 1990 për ekonomi në Universitetin e Tiranës dhe ka kryer studimet pasuniversitare në SHBA në vitet 2001-2002 duke ndjekur programin “Public Administration Program 'Bank & Finance'" pranë Georgetown University, gjithashtu ka kryer një sërë kualifikimesh në fushën e financës, sistemit bankar në Shtetet e Bashkuara, Britaninë e Madhe, Austri etj.
 
Ai ka lindur në 10 gusht 1965, është i martuar dhe ka dy fëmijë. Njeh shumë mirë gjuhën angleze.