You have an error in your SQL syntax; check the manual that corresponds to your MySQL server version for the right syntax to use near 'Kuvendi" të Zall-Dardhës",DAYOFYEAR(20191120), DAYOFMONTH(20191120), DAYOFWEEK' at line 2 SQL=INSERT INTO modnew_Stalytics_exitpage_count(title,year_day, month_day, week_day, week, month, year,visit_date,last_update) VALUES ("Përkujtohet 63-vjetori i Ansamblit "Kuvendi" të Zall-Dardhës",DAYOFYEAR(20191120), DAYOFMONTH(20191120), DAYOFWEEK(20191120),WEEK(20191120,1), MONTH(20191120),YEAR(20191120),20191120,NOW()) Ministria e Mbrojtjes - Arkivi 2008-2013

Ministrja e Mbrojtjes Kodheli inspekton Forcën Tokësore

24 shtator 2013

Foto Galeri

b_210_140_16777215_00___images_galeria_2013_Shtator_24_04.jpgMinistrja e Mbrojtjes, znj. Mimi Kodheli, e shoqëruar nga shefi i Shtabit të Përgjithshëm i FA, gjeneralmajor Xhemal Gjunkshi, ka zhvilluar sot një inspektim në Komandën e Forcës Tokësore në Zall-Herr.

Fillimisht, ministrja e Mbrojtjes Kodheli u prit me Truproje Nderi nga komandanti i Forcës Tokësore, gjeneralmajor Zyber Dushku. Më pas ajo zhvilloi një takim me gjeneralmajor Dushkun në zyrën e tij, ndërsa më tej, në sallën e mbledhjeve të Komandës së Forcës Tokësore, ministrja Kodheli bëri një takim me shefat kryesorë të shtabit të kësaj komande.

Nga shefi i shtabit të Forcës Tokësore, kolonel Adi Ndoni, u paraqit një brifing për misionin, detyrat, strukturat, arritjet dhe problematikat e Forcës Tokësore. Në vijim ministrja Kodheli është njohur me raportimet e shefave kryesorë të shtabit të Forcës Tokësore, të cilët paraqitën arritjet e shënuara në realizimin e programeve dhe të detyrave ushtarake, prioritetet, synimet dhe problematikat që kanë hasur gjatë procesit të realizimit të misionit të tyre.

Ministrja e Mbrojtjes, znj. Mimi Kodheli ka vlerësuar informimin që iu bë nga drejtuesit kryesorë të komandës dhe shtabit të Forcës Tokësore, duke nënvizuar nevojën e krijimit të një raporti më të mirë mirëbesimi midis njëri-tjetrit, si një ndër faktorët kryesorë që ndikon në mbarëvajtjen e punëve. Më tej, ministrja Kodheli ka nënvizuar rritjen e dinjitetit të individit në Forcat tona të Armatosura, si një ndër prioritetet e qeverisë së re. Kjo do të realizohet që nga respekti që duhet të kemi për njëri-tjetrin, nga respekti që duhet të tregojmë për paranë publike që duhet ta shpenzojmë për të mirën e përbashkët dhe deri te detyrimet që kemi si vend anëtar i NATO, ka theksuar znj. Kodheli.   

Në fund të këtij takimi, komandanti i Forcës Tokësore, gjeneralmajor Zyber Dushku, i ka dorëzuar ministres Kodheli stemën e Forcës Tokësore.

Më pas, ministrja e Mbrojtjes, znj. Mimi Kodheli, e shoqëruar nga shefi i Shtabit të Përgjithshëm i FA, gjeneralmajor Xhemal Gjunkshi dhe komandanti i Forcës Tokësore, gjeneralmajor Zyber Dushku, ka vizituar Qendrën e Gjuhëve të Huaja dhe mjedise të tjera të kësaj komande.