Ministria e Mbrojtjes - Arkivi 2008-2013

Intervista e ministres së Mbrojtjes, znj. Mimi Kodheli në emisionin “Bugajski Hour”

E shtunë, 12 tetor 2013
 
Ministrja e Mbrojtjes, znj. Mimi Kodheli, mbrëmjen e ditës së shtunë, 12 tetor 2013, ka dhënë një intervistë në studion e emisionit “Bugajski Hour”, i cili transmetohet në televizionin Albanian Screen. Gjatë kësaj interviste ministrja Kodheli, duke iu përgjigjur pyetjeve të gazetarit të njohur Janusz Bugajski, foli për politikën e sigurisë kombëtare të Shqipërisë, për Rishikimin Strategjik të Mbrojtjes, që u përmbyll vitin e kaluar dhe Planin për Zbatimin nga Ministria e Mbrojtjes, për buxhetin e Mbrojtjes dhe përdorimin e tij sa më me efektivitet, për luftën kundër korrupsionit, transparencën e munguar gjatë procesit të shitjes dhe transferimit të pronave të ushtrisë. Më tej, znj. Kodheli ka folur për NATO, çështjet e zgjerimit të saj, pjesëmarrjen dhe kontributin e Shqipërisë në Aleancë, përfshirë Afganistanin, por edhe në misione të tjera, për situatën në rajonin e Ballkanit, bashkëpunimin rajonal, bashkëpunimin mes Shqipërisë dhe SHBA, si partneri ynë kryesor strategjik etj.