Ministria e Mbrojtjes - Arkivi 2008-2013

Ministeriali i ministrave të Mbrojtjes, Bruksel, 22-23 tetor 2013

Ministrja e Mbrojtjes, znj. Mimi Kodheli, mori pjesë në ministerialin e ministrave të Mbrojtjes të vendeve anëtare të NATO që u mbajt në selinë e NATO në Bruksel në datat e mësipërme.

22 tetor 2013

Foto Galeri

b_210_140_16777215_00___images_nato_ministeriali_tetor2013_14.jpgGjatë ditës së parë ministrja Kodheli zhvilloi një takim bilateral me sekretarin e Përgjithshëm të NATO, z. Anders Fogh Rasmussen dhe sekretarin amerikan të Mbrojtjes, z. Chuck Hagel.

Ministrja Kodheli e siguroi Sekretarin e Përgjithshëm të NATO për angazhimin e Ministrisë së Mbrojtjes të Shqipërisë në adresimin e sfidave të përbashkëta.

Sekretari Rasmussen: Jam i lumtur për rolin e Shqipërisë në Aleancë dhe për gatishmërinë e marrë nga kryeministri Edi Rama në takimin e zhvilluar së fundmi.

Z. Chuck Hagel: Shqipëria është partner i rëndësishëm, mbështesim ekipin e ri të qeverisë shqiptare dhe po punohet për fusha të reja bashkëpunimi.

Për më tepër ndiqni linkun: Ministrja e Mbrojtjes Kodheli merr pjesë në Ministerialin e ministrave të Mbrojtjes në Bruksel
 

23 tetor 2013

b_210_140_16777215_00___images_nato_ministeriali_tetor2013_16.jpgGjatë ditës së dytë ministrja e Mbrojtjes, znj. Mimi Kodheli në fjalën e saj bëri me dije se Shqipëria do të vazhdojë të jetë e angazhuar në Afganistan edhe pas vitit 2014. Ministrja Kodheli ka theksuar gjithashtu se FA të Shqipërisë janë të angazhuara për të marrë pjesë në stërvitjet e përbashkëta me trupa të NATO nga viti 2015 e në vazhdim.

Gjatë qëndrimit të saj në Bruksel, znj. Kodheli realizoi një bisedë telefonike nga selia e NATO me trupat tanë të dislokuar në Afganistan.

Ministrja e Mbrojtjes, znj. Mimi Kodheli zhvilloi një takim me ministrin e Mbrojtjes së Italisë, z. Mario Mauro, me kërkesë të këtij të fundit.

Ministrja e Mbrojtjes Kodheli zhvilloi një takim pune me ministrin e Mbrojtjes së Greqisë, z. Dimitrios Avramopoulos, me kërkesën e këtij të fundit.

Në vijim të takimeve dypalëshe ministrja Kodheli zhvilloi një takim pune me asistenten e sekretarit të Mbrojtjes për Çështjet Strategjike dhe Globale të SHBA, znj. Madelyn R. Creedon.

Për më tepër ndiqni linkun: Shqipëria do të vazhdojë të jetë në Afganistan edhe pas vitit 2014