Ministria e Mbrojtjes - Arkivi 2008-2013

Zhvillohet Konferenca Finale e Integrimit të FA shqiptare me NATO

Kodheli: Shqipëria ёshtё tani mё e aftë për tё marrë pёrgjegjёsi brenda NATO me burimet e kërkuara tё mbrojtjes, kapacitetet infrastrukturore si dhe kapacitetet mbështetëse si një vend pritës.

Gjenerali Palomeros: Shqipëria mund të mos jetë vendi më i madh i NATO, por madhësia nuk ka shumë rëndësi në familjen tonë të madhe.

25 tetor 2013

Foto Galeri

b_210_140_16777215_00___images_galeria_2013_Tetor_25_8.jpgNë sallën e auditoriumit të Komandës së Doktrinës dhe Stërvitjes (KDS) u zhvillua Konferenca Finale e Integrimit të FA të Republikës së Shqipërisë me NATO. Qëllimi i konferencës ishte identifikimi i mësimeve të nxjerra dhe arritjeve të deritanishme të Forcave të Armatosura të Republikës së Shqipërisë në procesin e integrimit me NATO.
Në këtë konferencë morën pjesë: ministrja e Mbrojtjes, znj. Mimi Kodheli, shefi i Shtabit të Përgjithshëm të FA, gjeneralmajor Xhemal Gjunkshi, komandantët e Forcave, drejtorët e drejtorive në Ministrinë e Mbrojtjes dhe Shtabit të Përgjithshëm, drejtuesit e grupeve sipas fushave të integrimit.

Në Konferencë ishte i pranishëm komandanti i Komandës së Aleancës për Transformim (ACT), gjeneral Jean-Paul Palomeros dhe ekipi i lartë i Komandës së ACT.

Në fjalën e saj ministrja e mbrojtjes, znj. Mimi Kodheli tha se ky është moment krenarie për të gjithë ne. Përparimet tona janë të mëdha në një sërë fushash si institucionalizimi i strukturës sё njё force plotësisht  profesionale, planëzimi i mbrojtjes, plotësimi i Rishikimi Strategjik i Mbrojtjes, standardizimi, modernizimi i FA, trajnimet dhe stërvitjet. Ёshtё nё vazhdimёsi puna pёr Strategjinё e re Ushtarake, planifikimi pёr kapacitetet e synuara, si dhe Plani Afatgjatë i zhvillimit tё Forcave tё Armatosura, i cili do tё pasqyrohet në Rishikimin Strategjik tё Mbrojtjes.
Në këtë kuadër, ministria e Mbrojtjes tha se “Transformimi ёshtё njё sfidё e vazhdueshme dhe si e tillё ne duhet tё gjejmё balancёn ndёrmjet çështjeve tё pёrditshme dhe tё mendojmё pёr tё ardhmen”.
Znj. Kodheli garantoi se në cilësinë e ministres së Mbrojtjes, mbetet e angazhuar pёr tё drejtuar stafin ushtarak dhe civil pёr tё ndёrmarrё veprime tё sigurta dhe pёr tё siguruar qё procesi i transformimit tё ketё energjitё e duhura, si dhe ndjenjën e pёrgjegjёsisё.
Sfida e radhës tani që përfundoi faza e integrimit, për znj. Kodheli, është veprimi që duhet bërë për të siguruar qё kapacitetet dhe forcat tona t’ju pёrgjigjen kёrkesave të Aleancёs, të maksimizojnё pёrdorueshmёrinё si dhe tё rrisin cilёsinё pёr tё pёrballuar sfidat e sё ardhmes, aftёsinё e tyre pёr rolin qё kemi nё tё ardhmen nё NATO, sidomos tani qё Aleanca pёrgatitet pёr tё tёrhequr forcat e saj nga Afganistani pas vitit 2014.

Ministrja Kodheli renditi më pas disa fusha në të cilat duhet të ndërhymë në të ardhmen. Së pari, theksoi ajo, të harmonizojmë procesin dhe klimën e planifikimit kombëtar të mbrojtjes me proceset e planifikimit të mbrojtjes të NATO; së dyti, të ruajmë kapacitetet e kërkuara dhe të sigurojmë nivelin e kërkuar të ndërveprueshmërisë; së treti, të mbajmë shpenzimet buxhetore në nivel të përshtatshëm në kushtet e krizës financiare dhe së katërti, të rishikojmë dokumentet tona strategjike në mënyrë që ato të reflektojnë ndryshimet aktuale në ambientin e sigurisë dhe t’i harmonizojmë ato më mirë me politikat gjithnjë e më në zhvillim të NATO.

Nga ana e tij, komandanti i Komandës së Aleancës për Transformim (ACT), gjeneral Jean-Paul Palomeros tha: “Katёr vjet mё parё Shqipёria ju bashkua Aleancёs. FA shqiptare janё tashmё nё prag tё vlerёsimit tё integrimit tё tyre nё strukturat dhe komandat e NATO nё nivel operacional dhe strategjik, si dhe pёr tё marrё tё gjithё pёrgjegjёsitё e tyre”. Gjenerali Palomeros shtoi se “Lajmi i mirё ёshtё se si anёtare e plotё e familjes transatlantike, Shqipёria mund tё mbёshtetet mё shumё se kurrё nё solidaritetin dhe ekspertizёn e Aleancёs, sidomos drejt objektivit pёr njё forcё tё mirёtrajnuar dhe pajisur, ‘Forcat Shqiptare 2020’ e aftё tё operojё pёrgjatё njё spektri tё gjerё misionesh dhe detyrash”
Në mbyllje të fjalës së tij, Palomeros u kujdes të përcillte një mesazh të rëndësishëm: “Shqipëria mund të mos jetë vendi më i madh i NATO, por madhësia nuk ka shumë rëndësi në familjen tonë të madhe. Ashtu siç është shprehur Nënë Tereza; ‘Ne do të jemi besnikë ndaj gjërave të vogla, sepse aty varet fuqia jonë’.

Më pas është zhvilluar ceremonia e nënshkrimit të Deklaratës së Përbashkët, si dhe u dha edhe një Komunikatë për Shtyp nga shefi i Shtabit të Përgjithshëm i FA, gjeneralmajor Xhemal Gjunkshi dhe komandanti i Komandës së Aleancës për Transformim (ACT), gjeneral Jean-Paul Palomeros.