Ministria e Mbrojtjes - Arkivi 2008-2013

Ekipi i karatesë “Dardania”merr pjesë në takimin ndërkombëtar “Tirana Karate Open”

18 nëntor 2013
 
Më 17 nëntor 2013 në pallatin e sportit “Asllan Rusi” në Tiranë u zhvillua takimi ndërkombëtar “Tirana Karate Open” organizuar nga Federata Shqiptare e Karatesë. Në këtë aktivitet sportiv morën pjesë 33 ekipe nga të gjithë vendet e Ballkanit me mbi 350 pjesëmarrës. Pjesë e këtij aktiviteti ishte edhe ekipi i karetsë së Qëndrës së Kulturës, Medias dhe Botimeve të Mbrojtjes “Dardania”.  Ekipi “Dardania” përfaqësohej nga 5 (pesë) djem dhe 3 (tre) vajza.

Në përfundim të këtij aktiviteti ndërkombëtar  5 (pesë) përfaqësues të ekipit “Dardania” u vlerësuan me medalje të ndryshme dhe më konkretisht: Sportisti Bekim Basha u vlerësua me Medalje Ari; Jurgen Kola, Ergyn Cullhaj dhe Istida Ahmeti me Medalje Argjendi, ndërsa Aldi Pollozhani me Medalje Bronxi.

Pjesëmarrja në këtë aktivitet të rëndësishëm dhe vlerësimet e larta që morën sportistët e ekipit “Dardania” tregojnë edhe njëherë për punën dhe përpjekjet e vazhdueshme që bëhen nga drejtuesit dhe sportistët e këtij ekipi për të arritur rezultate sa më të larta.