Ministria e Mbrojtjes - Arkivi 2008-2013

Ministria e Mbrojtjes inspekton grup-depot e municioneve në Qafë-Shtamë

17 dhjetor 2013

b_230_158_16777215_00___images_homepage_17dhjetor.jpgNë zbatim të planit të punës për kontrollin e zonave, të cilat janë të evidentuara si hotspote në vend, gjatë ditës së sotme drejtues të Ministrisë së Mbrojtjes dhe Shtabit të Përgjithshëm të Forcave të Armatosura, si dhe specialistë dhe ekspertë të kësaj fushe inspektuan grup-depot e municioneve në Qafë-Shtamë.

Të pranishëm në këtë inspektim ishin: sekretari i Përgjithshëm i MM, z. Arjan Kraja, zëvendësshef i Shtabit të Përgjithshëm i FA, gjeneralmajor Viktor Berdo dhe komandanti i Brigadës Logjistike, gjeneral brigade Syrja Gjoka.

Ata panë nga afër punën që bëhet nga specialistët dhe punonjësit që merren me demontimin e municioneve të mbetura në këto depo, si dhe dhanë porosi për vijimin e punës, duke kërkuar një zbatim sa më rigoroz të rregullave të sigurimit teknik me qëllim evitimin e çdo premise që mund të sjellë ngjarje të padëshiruara.   

Gjithashtu, po sot, grupi i inspektimit të Ministrisë së Mbrojtjes dhe Shtabit të Përgjithshëm ishin edhe në ish-depot e municionit në Mollas të Burrelit, ku iu dorëzua përfaqësuesve të pushtetit vendor certifikata e pastrimit të zonës nga municionet luftarake.