Ministria e Mbrojtjes - Arkivi 2008-2013

Ministrja e Mbrojtjes, znj. Kodheli vizitë zyrtare në Itali

17 dhjetor 2013

Foto Galeri

b_210_140_16777215_00___images_homepage_17_1dhjetor.jpgMinistrja e Mbrojtjes, znj. Mimi Kodheli ndodhet në Itali për një vizitë zyrtare me ftesë të homologut të saj, z. Mario Mauro. Gjatë takimit, ministri italian i Mbrojtjes, z. Mario Mauro e uroi ministren Kodheli për detyrën, si ministre e Mbrojtjes së Shqipërisë dhe u ndal sidomos në bashkëpunimin mes dy vendeve tona. Ministrja Kodheli i kërkoi homologut të saj mbështetjen e Italisë për statusin e vendit kandidat të Shqiperisë. Një tjetër temë e bisedës ishte edhe forcimi i bashkëpunimit mes dy qeverive tona në fushën ekonomike, sidomos në ata sektorë me interes të përbashkët.

Duke u ndalur tek bashkëpunimi në fushën e Mbrojtjes, znj. Kodheli kërkoi nga Italia asistencë për ruajtën e hapësirës ajrore. Një tjetër temë diskutimi ishte edhe mbështetja që Shqipëria kërkon nga Italia për batalionin e motorizuar dhe për ruajtjen e hapësirës detare. Të dy zyrtarët ishin të njëjtit mendim lidhur me forcimin e bashkëpunimit të mëtejshëm në këtë fushë të rëndësishme.