Ministria e Mbrojtjes - Arkivi 2008-2013

Ministrja e Mbrojtjes Kodheli takon gjeneral brigade Michael Cunniff

Kodheli: Edukimi është çelësi i suksesit të FA

8 janar 2014

Foto Galeri

b_230_202_16777215_00___images_galeria_2014_Janar_08_03.jpg Ministrja e Mbrojtjes znj. Mimi Kodheli priti në një takim komandantin e Gardës së New Jersey, gjeneral brigade Michael Cunniff. Pasi i uroi mirëseardhjen z. Cunniff, ministrja Kodheli e falenderoi gjeneralin në emër të qeverisë shqiptare dhe në veçanti të Ministrisë së Mbrojtjes për kontributin e dhënë për Forcat tona të Armatosura. Znj. Kodheli tha se bashkëpunimi me Gardën Kombëtare të New Jersey është shumë i rëndësishëm për FA dhe përgatitjen  e oficerëve tanë. “Me arritjen e marrëveshjes së fundit me Gardën Kombëtare të New Jersey, u konkretizua edhe bashëkpunimi në kuadër të State Partnership, një program shumë i rëndësishëm për ne, por edhe për palën amerikane jo vetëm si i pari i këtij lloji, por edhe për faktin se ky program krijon një model të ri bashkëpunimi, i cili padyshim do ketë efekete pozitive në tërë ecurinë e modernizimit dhe arritjes së standardeve bashkëkohore për Forcat tona të Armatosura”, u shpreh znj. Kodheli.

Gjeneral Cunniff nga ana e tij, garantoi ministren për vazhdimin e programit të edukimit dhe rëndësisë që ka ai për FA. I pranishëm në këtë takim ishte edhe ambsadori amerikan z. Aleksandër Arvizu. Ky i fundit, vlerësoi punën e ministres Kodheli në krye të Ministrisë së Mbrojtjes, duke u ndalur tek lufta kundër korrupsionit, profesionalizimi në drejtimin e FA, bashkëpunimi me Parlamentin dhe të gjithë institucionet. Sipas ambasadorit ky është një shembull i mirë edhe për institucionet e tjera. Ndërsa ministria Kodheli e garantoi ambasadorin Arvizu se ajo vetë dhe qeveria shqiptare ka vullnetin e plotë politik për të bashkëpunuar me të gjithë institucionet në të mirë të qytetarëve shqiptarë. Zonja Kodheli tha se mbetet e vendosur dhe garanton se në Ministrinë e Mbrojtjes “nuk do të përsëritet ajo çfarë ka ndodhur me qeverinë e mëparshme dhe pikërisht për këtë arsye, bashkëpunimi me Komisionin e Sigurisë Kombëtare ka qenë i ngushtë, duke i bërë pjesë të çdo aktiviteti të këtij institucioni”.

Më pas general brigade Cunniff pati një takim edhe me shefin e Shtabit të Përgjithshëm të FA, gjeneralmajor Jeronim Bazo.