Ministria e Mbrojtjes - Arkivi 2008-2013

Ministrja e Mbrojtjes Kodheli vizitë zyrtare në Greqi, 14-15 janar 2014

Ministrja e Mbrojtjes, znj. Kodheli zhvilloi në datat 14-15 janar një vizitë zyrtare dyditore në Athinë, me ftesë të ministrit të Mbrojtjes së Greqisë, z. Dimitris Avramopoulos. Gjatë vizitës së saj, ministrja Kodheli u takua me presidentin Papoulias, kryeministrin Samaras dhe ministrin e Mbrojtjes Avramopoulos.

14 janar 2014

Foto nga vizita; Video nga vizita

b_230_142_16777215_00___images_galeria_2014_Janar_14_00.jpgMinistrja e Mbrojtjes, znj. Mimi zhvilloi në datat 14-15 janar një vizitë zyrtare dy ditore në Athinë, me ftesë të ministrit të Mbrojtjes së Greqisë, z. Dimitris Avramopoulos. Në nisje të kësaj vizite, ministrja Kodheli është pritur në një takim të veçantë nga kryeministri i Republikës së Greqisë, z. Antonis Samaras. Z. Samaras i uroi mirëseardhjen znj. Kodheli dhe e uroi për detyrën e saj si ministre e Mbrojtjes e Shqipërisë. “Të jesh ministre Mbrojtje femër do të thotë shumë dhe ky është një mesazh shumë i fortë”, u shpreh kryeministri grek.

***
Në vijim të vizitës së saj, ministrja e Mbrojtjes Kodheli vendosi një kurorë në monumentin e Ushtarit të Panjohur në sheshin Sindagma në Athinë.

Për më tepër ndiqni linkun: Ministrja e Mbrojtjes Kodheli vizitë zyrtare në Greqi

b_230_153_16777215_00___images_galeria_2014_Janar_14a_05.jpgNë vijim të vizitës së saj dy ditore në Greqi, ministrja e Mbrojtjes, znj. Mimi Kodheli zhvilloi një takim me homologun e saj, ministrin grek të Mbrojtjes, z. Dimtris Avramopoulos. Në këtë takim u diskutua me tone entuziaste për bashkëpunimin mes dy vendeve tona në fusha të rëndësishme dhe me impakt të madh për qytetarët e të dy vendeve. Temat e diskutuara në këtë takim kishin të bënin me bashkëpunimin në fushën e Mbrojtjes, si dhe mbështetjen e padiskutueshme në rrugën e Shqipërisë drejt BE. Të dy palët ndanë të njëjtin mendim që takimi i sotëm i jep një dimension të ri bashkëpunimit mes dy vendeve tona.
Ashtu si kryeministri Samaras, edhe ministri Avramopoulos, shpehu bindjen se nën drejtimin e qeverisë Rama e ardhmja e Shqipërisë është e sigurt. “Është një politikan modern dhe largpamës, është fat për Shqipërinë që ka një politikan të tillë, që i mbishton vlerat e vendit”, - u shpreh Avamopoulos për kryeministrin Rama.

Për më tepër ndiqni linkun: Ministrja e Mbrojtjes Kodheli pritet nga homologu i saj Avramopoulos

15 janar 2014

b_230_162_16777215_00___images_galeria_2014_Janar_16_1.jpgNë mbyllje të vizitës së saj dy ditore në Greqi, ministrja e Mbrojtjes, znj. Mimi Kodheli është pritur në një takim të veçantë nga presidenti Karolos Papoulias. Takimi u zhvillua në një atmosferë mjaft të ngrohtë dhe miqësore. Bashkëbiseduesit vlerësuan marrëdhëniet e bashkëpunimit midis dy vendeve tona, si dy vende fqinj nga më të vjetërit në rajon, me lidhje të vjetëra historike dhe tradicionale. Në mënyrë të veçantë ata ndanë të njëjtin mendim për zhvillimet pozitive të kohëve të fundit që po i japin marrëdhënieve tona një përmbajtje të re cilësore në interes të dy popujve tanë, të stabilitetit dhe paqes në rajon, si një vlerë e shtuar edhe në kuadrin e të gjithë Bashkimit Evropian.

Për më tepër ndiqni linkun: Ministrja e Mbrojtjes Kodheli takon presidentin e Greqisë, Karolos Papoulias