Ministria e Mbrojtjes - Arkivi 2008-2013

Ministrja e Mbrojtjes Kodheli inspekton Bazën Ushtarake Ajrore në Kuçovë

31 janar 2014

Foto Galeri

b_210_140_16777215_00___images_galeria_2014_Janar_31_02.jpgMinistrja e Mbrojtjes, znj. Mimi Kodheli, ka zhvilluar sot një inspektim në Bazën Ushtarake Ajrore në Kuçovë. Gjatë këtij inspektimi ministrja Kodheli shoqërohej nga shefi i Shtabit të Përgjithshëm i FA, gjeneralmajor Jeronim Bazo dhe komandanti i Forcës Ajrore, gjeneral brigade Frederik Beltoja.

Fillimisht, ministrja Kodheli është pritur nga komandanti i Bazës Ajrore në Kuçovë, nënkolonel Tomor Dyrmo, i cili informoi mbi gjendjen aktuale të kësaj baze, si dhe me problematikat që ka aktualisht në këtë njësi ushtarake.

Ministrja Kodheli dhe gjeneralmajor Bazo inspektoi nga afër mjediset e Bazës Ushtarake Ajrore të Kuçovës, si dhe u takua me ushtarakët dhe punonjës të kësaj baze.  
Në fund të këtyre takimeve ministria Kodheli shprehu vullnetin dhe vendosmërinë e plotë për t’i rikthyer ndriçimin e dikurshëm kësaj baze. Ajo kërkoi të merren të gjitha masat e nevojshme për të sjellë projekte konkrete për këtë zonë, të cilat të kontribuojnë jo vetëm në favor të FA, por edhe për të gjithë komunitetin.