Ministria e Mbrojtjes - Arkivi 2008-2013

Gjergj Teneqexhiu

Drejtori i Kabinetit të ministrit të Mbrojtjes të Republikës së Shqipërisë
2013 -

b_190_140_16777215_00___images_teneqexhi.jpgZ. Gjergj Teneqexhiu që nga shtatori i vitit 2013 është drejtori i Kabinetit të ministrit të Mbrojtjes.

Ka lindur në qershor të vitit 1959, në Tiranë, është i martuar dhe ka dy fëmijë. Ka kryer shkollën e mesme të përgjithshme “Sami Frashëri” në Tiranë. Në vitin 1983 është diplomuar në Fakultetin e Ekonomisë Agrare me rezultate të mira.

Nga viti 1983 deri në vitin 1991 ka punuar si ekonomist në SMT Tiranë. Prej vitit 1991 deri në vitin 2006 ka punuar në detyra të ndryshme në Ministrinë e Financës, duke filluar si analist në Drejtorinë e Buxhetit, përgjegjës i Sektorit të Planifikimit në Drejtorinë e Buxhetit, drejtor i Drejtorisë së Buxhetit dhe si Sekretar i Përgjithshëm i Ministrisë së Financave.

Pas kësaj periudhe ka punuar në detyra të ndryshme si pedagog i jashtëm, short-term ekspert në projektin e KE “EURALIUS” (European Assistance Mission to the Albanian Justice System), këshilltar ekonomik i zëvendëskryeministrit. Prej qershorit të vitit 2012 deri në shtator 2013 ka kryer detyrën e sekretarit të Përgjithshëm të institucionit të Avokatit të Popullit.

Ka qenë pjesë e grupit negociator për integrimin në NATO dhe përfaqësues i Ministrisë së Financave në negociatat për MSA (Marrëveshjen e Stabilizim Asociimit) etj. Ka kryer studime të thelluara në “Makroekonomi dhe Politika Financiare” (1992-1994) gjatë një trajnimi në Kyushu University (Japoni), si dhe trajnime të tjera të ofruara nga FMN, Banka Botërore, Komisioni Europian, Departamenti i Thesarit të SHBA etj, në fushën e Financës Publike dhe Menaxhimit të Burimeve Njerëzore. Është angazhuar si pedagog i Financave Publike në disa nga universitet jo publike. 

Zotëron shumë mirë gjuhën angleze dhe atë italiane.