Ministria e Mbrojtjes - Arkivi 2008-2013

Irak

Lufta në Irak nisi në vitin 2003, me pikësynim rrëzimin e diktatorit Sadam Hysein. Në operacionin "Liria e Irakut" u angazhuan 170 mijë trupa ushtarake të mbi 35 vendeve aleate dhe partnere (SHBA me 143 mijë, Britania me 4100, Rumania me 600, Australia me 300, El Salvador me 200, Bullgaria me 155, Danimarka me 55, Lituania me 53, Estonia me 38 dhe Shqipëria 70-215). Në operacionin “Liria e Irakut”, në kuadër të koalicionit të luftës kundër terrorizmit, u vunë në funksion 500 baza ushtarake në të gjithë Irakun. Prej vitit 2008 filloi reduktimi i tyre deri në më pak se 3 mijë trupa amerikane dhe të NATO, të angazhuara në “NATO Training Mission” që shërbeu për ringritjen, mbështetjen dhe trajnimin e trupave dhe shtabeve të ushtrisë irakene.

Lexoni më shumë...

NATO, përfundon misionin trajnues në Irak

Në përfundim të operacionit “Liria e Irakut”, filloi një tjetër operacion por tashmë i drejtuar nga NATO, i koduar “NATO Training Mission”, i cili për më shumë se 3 vjet shërbeu më së miri për ringritjen, mbështetjen dhe trajnimin e trupave dhe shtabeve të ushtrisë irakene.

Në këtë mision trajnues të NATO, të përbëre prej 120 ushtarakësh nga vende të ndryshme anëtare, vendi ynë u angazhua me 2 ushtarakë, më  22 mars 2010, për 4 rotacione.

Edhe pse misioni trajnues i NATO në Irak, kishte për qëllim të ndihmonte vendin në zhvillimin e forcës së sigurisë, ai u mbyll në datën 20 dhjetor 2011, pas prishjes së marrëveshjes së NATO me qeverinë aktuale irakene.
Pavarësisht kësaj, e ardhmja e forcave të sigurisë së Irakut do të vazhdojë në rrugën e duhur, pasi i përket qeverisë dhe popullit të Irakut që të vazhdojë të eci në drejtimin e duhur duke punuar, pasi mundësia është se, nëse shfrytëzohet, ata mund të kthehen në udhëheqës të rajonit, dhe ne shpresojmë se gjërat do të ecin mirë”, shprehet ish komandanti i fundit i  forcave amerikane në Irak.

Gjeorgji

Duke filluar nga viti 1994 deri në Korrik të vitit 2009 (kohë kur është mbyllur misioni), FARSH kanë qenë të angazhuar me përfaqësues këshilltarë/vëzhgues ushtarakë në operacionin UNOMIG të drejtuar nga OKB, në Tbilisi Gjeorgj, 39 ushtarakë.

Çad, Afrikë

FARSH, u angazhuan me tre kontingjente me nga 63 ushtarakë, në operacionin MINURCAT, të drejtuar nga Bashkimi Europian, në Çad, Afrikë, në periudhën korrik 2008 – korrik 2010, duke vepruar në përbërje të kontingjentit francez.

Dërgimi i trupave në Çad, u bë bazuar në marrëveshjen ndërmjet Bashkimit Europian dhe Republikës së Shqipërisë “Për pjesëmarrjen e RSH, në operacionet ushtarake të BE”, si dhe marrëveshjes dypalëshe midis Republikës së Francës dhe Republikës së Shqipërisë, “Për mbështetjen e trupave të FA të RSH, në operacionet ushtarake të BE”.

Mbështetja financiare e kontingjentit u sigurua nga pala shqiptare, ndërsa mbështetjen logjistike përfshi edhe transportin strategjik për dërgimin e trupave në rajonin e operacionit e realizoi pala franceze.

Kontributi i FA në Çad ishte gjithsej me 189 ushtarakë.