Ministria e Mbrojtjes - Arkivi 2008-2013

Promovohen vlerat historike të Muzeumit të Forcave të Armatosura

6 dhjetor 2012

Foto Galeri

Lexoni më shumë...Sot paradite ministri i Mbrojtjes, z. Arben Imami, ka zhvilluar në mjediset e Muzeumit Historik të Forcave të Armatosura, një takim me gazetarët që mbulojnë kulturën në mediat elektronike dhe në shtypin e shkruar. Ky takim është zhvilluar në formë bashkëbisedimi, ku janë shpalosur vlerat historike që mbart Muzeumi i FA, i cili u përurua në ditën e 100-vjetorit të krijimit të FA Shqiptare. Duke marrë fjalën në këtë takim, ministri i Mbrojtjes, z. Arben Imami, theksoi se, qëllimi i këtij takimi me median është prezantimi i muzeumit të ri të Forcave të Armatosura, i objekteve dhe vlerave që ai përcjell.

Lexoni më shumë...

Koncert artistik ,“Një shekull këngë dhe marshe patriotike”

4 dhjetor 2012

Foto Galeri

Lexoni më shumë...Sot në mbrëmje, në nder të 100-vjetorit të krijimit të Forcave të Armatosura, në Pallatin e Kongreseve Tiranë, Ministria e Mbrojtjes, nën kujdesin e drejtpërdrejtë të ministrit të Mbrojtjes, z. Arben Imami, organizoi një koncert artistik me titull “Një shekull këngë dhe marshe patriotike”.Të pranishëm në këtë veprimtari të bukur artistike ishin ministri i Mbrojtjes, z. Arben Imami, shefi i Shtabit të Përgjithshëm i FA, gjeneralmajor Xhemal Gjunkshi, ministri i Kulturës, z. Aldo Bumçi, deputetë, gjeneralë, përfaqësues të trupit diplomatik të akredituar në vendin tonë, ushtarakë dhe punonjës të FA, përfaqësues të komuniteteve fetare, si dhe qytetarë të kryeqytetit.

Lexoni më shumë...

Talentet në radhët e FA, nismë e re e QKMBM

3 dhjetor 2012

Foto Galeri

Lexoni më shumë...Në kuadër të 100-vjetorit të Pavarësisë dhe krijimit të FARSH, Qendra e Kulturës, Medias dhe Botimeve së Mbrojtjes, Drejtoria e Aktiviteteve dhe Marrëdhënieve me Komunitetin, në bashkëpunim me Drejtorinë e Bashkëpunimit Civilo-Ushtarak në SHPFA, organizuan ditën e dielë, më datë 2 dhjetor, në sallën e madhe të QKMBM, aktivitetin: “Talentet brenda radhëve të FA”. Qëllimi i këtij aktiviteti ishte evidentimi i talenteve të reja të Forcave të Armatosura, dhe promovimi i tyre për publikun e gjerë.

Lexoni më shumë...

Ministri i Mbrojtjes Imami përuroi bustin e Ismail Qemalit në Kaninë

25 nëntor 2012

Foto Galeri

Lexoni më shumë...Në kuadër të festimeve që po zhvillohen me rastin e 100-vjetorit të shpalljes së Pavarësisë, u zhvillua sot paradite në Kaninë të Vlorës, aktiviteti “Kanina për Shqipërinë”. Ky aktivitet u realizua nga shoqata  atdhetare-kulturore “Kanina”, në bashkëpunim me intelektualët dhe biznesmenët e kësaj zone. Të pranishëm në këtë aktivitet ishin: ministri i Mbrojtjes z. Arben Imami, kryetari i Bashkisë së Vlorës, z. Shpëtim Gjika, prefekti i Qarkut Vlorë, z. Eduard Velçani, kryetari Kontrollit të Lartë të Shtetit, z. Bujar Leskaj, deputetë të Qarkut të Vlorës, eurodeputeti austriak, z. Josef Weidn Holzer, i cili kishte ardhur posaçërisht nga Austria për të marrë pjesë në këtë ceremoni, përfaqësues të familjes Vlora si dhe shumë banorë të kësaj zone.

Lexoni më shumë...

Ministri i Mbrojtjes Imami në përurimin e objekteve artistike në Shkodër

24 nëntor 2012

Foto Galeri

Lexoni më shumë...Në kuadër të 100-vjetorit të Pavarësisë së Shqipërisë dhe krijimit të FA Shqiptare, sot paradite, Ministria e Mbrojtjes në bashkëpunim me bashkinë e qytetit të Shkodrës zhvilluan aktivitetin për projektin “Në shërbim të hapësirave publike”. Ky projekt është mbështetur nga Pen State University, New York Academy of Arts, Ministria e Mbrojtjes dhe Bashkia Shkodër.
Të pranishëm në këtë aktivitet ishin: kryetarja e Kuvendit të Shqipërisë, znj. Jozefina Topalli, ministri i Mbrojtjes, z. Arben Imami, kryetari i bashkisë Shkodër, z. Lorenc Luka, prefektja e qarkut, znj. Voltana Ademi, zëvendësministri i Mbrojtjes, z. Ekrem Spahiu, përfaqësues nga zyra e OSBE, deputetë, gjeneralë, si dhe shumë banorë të qytetit të Shkodrës.

Lexoni më shumë...

“Kupa Ushtria 2012 në Karate për Fëmijë”, një eveniment mbarëkombëtar

18 nëntor 2012

Foto Galeri

Lexoni më shumë...Në vijim të aktiviteteve që po zhvillohen me rastin e 100-vjetorit të shpalljes së pavarësisë dhe krijimit të Forcave të Armatosura, në Pallatin e Sportit “Asllan Rusi”, u zhvillua pasditen e djeshme aktiviteti sportiv mbarëkombëtar “Kupa Ushtria 2012 në Karate për Fëmijë”. Ky aktivitet u zhvillua nga Qendra e Kulturës Medias dhe Botimeve të Mbrojtjes dhe nën kujdesin e drejtpërdrejtë të ministrit të Mbrojtjes, z. Arben Imami. Të pranishëm në aktivitet ishin: ministri i Mbrojtjes, z. Arben Imami, shefi i Shtabit të Përgjithshëm i FA, gjeneralmajor Xhemal Gjunkshi, presidentët e Federatave Sportive të Shqipërisë, Kosovës, Maqedonisë dhe Malit të Zi, gjeneralë, ushtarakë si dhe familjarë të fëmijëve pjesëmarrës në këtë aktivitet.

Lexoni më shumë...