Ministria e Mbrojtjes - Arkivi 2008-2013

Diskutohet projekti “Guidë vetëvlerësimi gjinor në Forcat e Armatosura”

Projekt bashkëpunimi mes Ministrisë së Mbrojtjes, UN Women dhe “Qendra për Kontrollin Demokratik në  Forcat e Armatosura” (DCAF). 

16 maj 2013

Foto Galeri

Lexoni më shumë...Sot paradite, në Ministrinë e Mbrojtjes u zhvillua tryeza e diskutimit në kuadër të implementimit të projektit “Guidë vetëvlerësimi gjinor në Forcat e Armatosura”. Ky projekt mbështetet nga UN Women dhe Qendra për Kontrollin Demokratik në Forcat e Armatosura (DCAF). Në këtë takim ishin të pranishëm: zëvendësministrja e Mbrojtjes, Prof. Dr. Arta Musaraj, zëvendësshefi i Shtabit të Përgjithshëm i FA, gjeneralmajor Viktor Berdo, komandantët e Forcave, drejtorë dhe ushtarakë të tjerë të lartë të Ministrisë së Mbrojtjes dhe Shtabit të Përgjithshëm. Gjithashtu, të pranishëm në takim ishin, përfaqësuesja e përhershme e Kombeve të Bashkuara në Shqipëri, znj. Zineb Touimi Benjelloun, drejtuesi i programit për Gjininë dhe Sigurinë në Qendrën për Kontrollin Demokratik në Forcat e Armatosura (DCAF), z. Daniel de Torrez Perez, znj. Aiko Holvikivi, drejtuesja e projektit dhe drejtuesja e programit të UN Women në Shqipëri, etj.

Lexoni më shumë...

Ministri i Mbrojtjes Imami prezantoi në Bruksel arritjet në procesin e demontimit të municioneve

15 maj 2013

Lexoni më shumë...Ministri i Mbrojtjes, z. Arben Imami, ishte i ftuar në një takim të organizuar prej Këshillit të Partneritetit Euroatlantik, në selinë e NATO në Bruksel, për të paraqitur rezultatet e arritura nga Shqipëria në procesin e demontimit të municioneve të tepërta. Në këtë takim i kryesuar nga Sekretari i Përgjithshëm i NATO, z. Anders Fogh Rasmussen, merrnin pjesë ambasadorët e vendeve anëtare të NATO dhe vendeve partnere. Në fjalën që mbajti në takim, ministri i Mbrojtjes Imami falënderoi të gjithë pjesëmarrësit dhe veçanërisht Sekretarin e Përgjithshëm të NATO, z. Rasmussen për mundësinë e ofruar për të paraqitur dhe prezantuar në selinë e Aleancës një nga eksperiencat më domethënëse për Forcat e Armatosura Shqiptare: procesin e demilitarizimit.

Lexoni më shumë...

Ministri Imami priti ministrin e Mbrojtjes së Maqedonisë

Ministri Imami: Republika e Shqipërisë ka një qëndrim të palëkundur që Maqedonia duhet të jetë një vend anëtar i NATO. Çështja e emrit, e cila ka qenë pengesa e vetme për Maqedoninë do të gjejë zgjidhje sa më të shpejtë. Sigurisht që vlerësuam edhe kontributet që Maqedonia ka dhënë për operacionet ISAF në Afganistan dhe që do të vijojë të jap edhe pas vitit 2014.
Ministri Xhaferi: Ne falënderojmë, Ministrinë e Mbrojtjes dhe Akademinë Ushtarake të Shqipërisë për ndihmën që kanë dhënë në trajnimin e eprorëve dhe kadetëve tanë nga viti 2006 deri në vitin 2010, këtu në Tiranë dhe mund të informoj se mësimet e marra këtu janë të nivelit më të lartë dhe praktikimi i atyre leksioneve është kompatibël me nevojat tona në Maqedoni.

14 maj 2013

Foto Galeri

Lexoni më shumë...Sot paradite, ministri i Mbrojtjes i Republikës së Maqedonisë, z. Talat Xhaferi, i cili ndodhet në vendin tonë në krye të një delegacioni të lartë, bëri një vizitë zyrtare në Ministrinë e Mbrojtjes. Pas pritjes ceremoniale me Truproje Nderi dhe Orkestër Frymore të FA që iu bë nga ministri i Mbrojtjes, z. Arben Imami, ministri Xhaferi la shënime në Librin e Përshtypjeve të Ministrisë së Mbrojtjes. Më tej, ministri i Mbrojtjes Imami u takua dhe zhvilloi bisedime me homologun e tij, ministrin e Mbrojtjes Xhaferi dhe delegacionin që ai kryeson. Më pas, të dy ministrat e Mbrojtjes dhanë një konferencë për shtyp. Ministri Imami në fjalën e tij theksoi se, ishte një kënaqësi e madhe që sot pritëm në Ministrinë e Mbrojtjes, ministrin e Mbrojtjes së Maqedonisë, z. Xhaferi, i cili është emëruar në këtë detyrë pak kohë më parë dhe një ndër vizitat e para të tij ia kushtoi Shqipërisë.

Lexoni më shumë...

Kremtohet 70-vjetori i krijimit të batalionit partizan të Dumresë

12 maj 2013

Foto Galeri

Lexoni më shumë...Sot paradite, në qytetin e Cërrikut u zhvillua ceremonia e 70- vjetorit të krijimit të batalionit partizan të Dumresë. Të pranishëm në këtë ceremoni ishin: ministri i Mbrojtjes, z. Arben Imami, kryetari i Bashkisë së Cërrikut, z. Servet Duzha, përfaqësues të tjerë të pushtetit vendor, ish-partizanë të këtij batalioni , veteranë, si dhe mjaft të ftuar të tjerë. Në fjalën e tij përshëndetëse, ministri i Mbrojtjes, z. Arben Imami, pasi ka falënderuar të pranishmit në këtë ceremoni u shpreh: “Sot është një ditë e rëndësishme për të kujtuar veprën dhe sakrificat e mëdha të popullit shqiptar gjatë Luftës së Dytë Botërore për liri dhe demokraci kombëtare. Rreshtimi i Shqipërisë në anën e drejtë të historisë me aleatët e mëdhenj ango-sovjeto-amerikan, padyshim që ishte një akt i madh, një faqe e ndritur e historisë tonë, dhe të gjithë ato vajza e djem, burra dhe gra që u përfshinë në këtë luftë, që ju kundërvunë okupatorëve nazifashist, barbarisë së totalitarizmit nazist do të mbeten përherë në mendjet e zemrat tona dhe do të gëzojnë përherë respektin më të madh”.

Lexoni më shumë...

Presidenti Nishani akordon “Medaljen e Mirënjohjes” për Komandantin Suprem të Forcave Aleate në Europë, Admiral Stavridis

Në ceremoninë e organizuar me këtë rast në Mons, Belgjikë, mori pjesë shefi i Shtabit të Përgjithshëm i FA, gjeneralmajor Xhemal Gjunkshi

10 maj 2013

Foto Galeri

Lexoni më shumë...Në një ceremoni të veçantë të organizuar sot në Shtabin Qendror të Komandës së Aleancës për Operacionet (SHAPE), në Casteau, në veri të qytetit Mons, Belgjikë, shefi i Shtabit të Përgjithshëm i FA Shqiptare, gjeneralmajor Xhemal Gjunkshi, i ka dorëzuar “Medaljen e Mirënjohjes”, Komandantit Suprem të Forcave Aleate në Europë, Admiral James G. Stavridis. Kjo medalje i akordohet Admiral Stavridis me rastin e përfundimit me sukses të detyrës së tij të lartë nga Presidenti i Republikes së Shqipërisë, z. Bujar Nishani dhe mban kwtw motivacion:  “Për vemendjen e veçantë dhe kontributin e Admiral Stavridis për transformimin dhe modernizimin e FARSH dhe për integrimin e plotë të vendit tonë në NATO”.

Lexoni më shumë...