Ministria e Mbrojtjes - Arkivi 2008-2013

Intervistë e zëvendësministres së Mbrojtjes, Arta Musaraj dhënë Agjencisë së Lajmeve Maqedonase "Zhurnal"

Musaraj: Filozofia e qeverisë Berisha "Shqipëria në NATO jo më për mbrojtje, por për paqe e siguri"

30 prill 2013

Lexoni më shumë...Gjatë vizitës në Shkup, Maqedoni, zëvendësministrja e Mbrojtjes, Prof. Dr. Arta Musaraj iu përgjigj interesit të mediave ku Shqipëria pas plot 4 vjet anëtare në NATO, shikohet si faktor sigurie për të gjithë rajonin. Për Shqipërinë,- theksoi Arta Musaraj, - kjo është një nga ngjarjet më të rëndësishme të historisë së saj, jo vetëm të 20 viteve të fundit por të historisë së saj që nga datimi i shtet-formimit i këtyre 100 viteve histori të shtetit modern shqiptar. Të qenit pjesë e Aleancës politike dhe ushtarake më të fuqishme të globit, bazuar mbi vlerat më të ndritura të njerëzimit, bazuar në parime të cilat shohin në dritë, shohin si prioritare respektimin e të drejtave të njeriut, paqen, sigurinë, garantimin e ekuilibrave dhe një zhvillim human të qëndrueshëm.

Lexoni më shumë...

Aktivitet me rastin e “Ditës ndërkombëtare të xhazit”

30 prill 2013

Foto Galeri

Lexoni më shumë...Në vijim të traditës së krijuar, edhe këtë vit, në kuadër të 30 prillit,“Ditës ndërkombëtare të xhazit”, shpallur nga Asambleja e Përgjithshme e UNESCO, Qendra e Kulturës, Medias dhe Botimeve të Mbrojtjes, organizojnë aktivitetin “Mesazherët e Xhazit”, e konceptuar si një koncert dhe bisedë për xhazin. Në këtë aktivitet referuan dhe luajtën muzikë dy figurat më të njohura të kësaj muzike në Shqipëri, Ermal Rodi në saks dhe Gent Rushi në piano.

Lexoni më shumë...

U zhvillua në Rinas ceremonia e mbërritjes së helikopterit të ri të Forcave Ajrore Cougar versioni “MEDEVAC”

25 prill 2013

Foto Galeri

Lexoni më shumë...Sot pasdite, në ambientet e komandës së Forcës Ajrore, në Rinas u zhvillua ceremonia e mbërritjes së helikopterit të ri të Forcave Ajrore, “Cougar”. Ky helikopter është i dyti që i bashkohet Forcave Ajrore dhe është ndërtuar në zbatim të kontratës Nr. 6853/10, datë 17.12.2009 , ndërmjet Ministrisë së Mbrojtjes të Republikës së Shqipërisë dhe kompanisë franceze “Eurocopter”, mbi furnizimin e pesë helikopterëve “AS 532 AL Cougar” dhe pajisjet që i shoqërojnë nënshkruar më 17 dhjetor 2009. Të pranishëm në këtë ceremoni ishin: shefi i Shtabit të Përgjithshëm të FA, gjeneralmajor Xhemal Gjunkshi, ambasadorja e Republikës së Francës në Shqipëri, znj. Christine Moro, komandanti i Forcës Ajrore, gjeneral brigade, Dhori Spirollari, përfaqësues të lartë të kompanisë “Eurocopter”, gjeneralë, drejtorë dhe personalitete të tjera të larta nga Ministria e Mbrojtjes dhe Shtabi i Përgjithshëm i Forcave të Armatosura.

Lexoni më shumë...

Zhvillohet në Tiranë, konferenca e Koordinimit "Programi i Hotspoteve me Municione të Paplasura në Shqipëri"

Zëvendësministri i Mbrojtjes, Ekrem Spahiu: “Deri më 15 qershor 2013 do të përfundoj demilitarizimi masiv i municioneve”

25 prill 2013

Foto Galeri

Lexoni më shumë...Ministria e Punëve të Jashtme dhe Ambasada e Republikës së Sllovenisë në Shqipëri në bashkëpunim me Zyrën Shqiptare të Koordinimit të Minave dhe Municioneve (AMMCO), organizuan sot paradite në ambientet e Hotel Tirana Internacional, konferencën e Koordinimit “Programi i Hotspoteve me Municione të Paplasura në Shqipëri”. Të pranishëm në këtë konferencë ishin: zëvendësministri i Mbrojtjes, z. Ekrem Spahiu, zëvendësministrja e Jashtme, znj. Edit Harxhi, ambasadori i Republikës së Sllovenisë në Tiranë, z. Bojan Bertoncelj, përfaqësuesja Rezidente e UNDP dhe koordinatore e përhershme e OKB në Shqipëri, znj. Zineb Touimi-Benjelloun, drejtor i ITF, rritja e sigurisë njerëzore, z. Dorijan Marsic si dhe ambasadorë të tjerë të akredituar në Tiranë.

Lexoni më shumë...

Zëvendësministrja Musaraj në Shkup në Konferencën Rajonale Mbi Barazinë Gjinore në FA

25 prill 2013

Foto Galeri

Lexoni më shumë...U zhvillua në Shkup, në datat 23-24 prill 2013, Konferenca Rajonale Shkencore mbi Barazinë Gjinore dhe Perspektivën Gjinore në Forcat e Armatosura. Zëvendësministrja e Mbrojtjes, znj. Arta Musaraj, përfaqësoi Shqipërinë në këtë event të rëndësishëm. Çështjet gjinore në FA, zbatimi i rezolutës 1325 të Kombeve të Bashkuara, NATO, çështjet e barazisë gjinore ishin në fokus të diskutimeve të zhvilluara. Në takimin e veçantë të zëvendësministres Musaraj me ministrin e Mbrojtjes së Maqedonisë, z. Talat Xhaferri, çështjet gjinore dhe proceset e brendshme të transformimit në Forcat e Armatosura u konsideruan jo vetëm si një mënyrë e menaxhimit të suksesshëm të burimeve njerëzore në FA, por si një faktor tepër influencues i rritjes së efektivitetit në operacionet paqeruajtëse dhe të një klime më të madhe stabiliteti dhe ekuilibri.

Lexoni më shumë...