Ministria e Mbrojtjes - Arkivi 2008-2013

Përfundon boshatisja, pastrimi dhe certifikimi i grup-depove në Mezhgoran të Tepelenës

25 prill 2013

Foto Galeri

Lexoni më shumë...U zhvillua ceremonia e boshatisjes, pastrimit dhe certifikimit të grup-depove në Mezhgoran të Tepelenës. Të pranishëm në këtë ceremoni ishin: zëvendësministri i Mbrojtjes, z. Ekrem Spahiu, drejtues të Brigadës Logjistike, kryetari i Komunës Mezhgoran, drejtues të AME, ushtarakë, etj.
Në fjalën e tij, zëvendësministri i Mbrojtjes, z. Ekrem Spahiu, pasi ka falënderuar të gjithë të pranishmit në këtë aktivitet u shpreh: “Demontimi i municioneve të tepërta po shkon drejt fundit, ndërkohë paralelisht me këtë proces po ecën edhe reduktimi i depove të municioneve. Një punë e mirë është bërë nga Brigada Logjistike për boshatisjen dhe pastrimin e grup-depove në Mezhgoran, ku janë lëvizur për një kohë të shkurtër rreth 1000 ton municione”.

Lexoni më shumë...

“Dita Botërore e Librit”

23 prill 2013

Foto Galeri

Lexoni më shumë...Në Bibliotekën e Akademisë së Forcave të Armatosura në KDS, Qendra e Librit dhe Mbështetjes me Informacion, në bashkëpunim me Drejtorinë e Aktiviteteve dhe Marrëdhënieve me Komunitetin në Qendrën e Kulturës, Medias dhe Botimeve të Mbrojtjes dhe Drejtorinë e J9 në Shtabin e Përgjithshëm të Forcave së Armatosura të Republikës së Shqipërisë, organizuan me rastin e 23 prillit, aktivitetin “Dita Botërore e Librit”. Qëllimi i aktivitetit ishte nxjerrja në pah dhe rëndësia e librit në edukimin e ushtarakut. Të pranishëm në këtë aktivitet ishin kolonel Agim Sula, komandant i Akademisë së Forcave të Armatosura, zëvendëskomandanti i KDS, kolonel Ded Prenga, akademikë, profesorë, mjaft punonjës civilë e ushtarakë të institucioneve organizatore të këtij aktiviteti si dhe shumë të ftuar të tjerë që e duan dhe e respektojnë librin.

Lexoni më shumë...

Forcat e Armatosura sërish në ndihmë të komunitetit

Zëvendësministrja e Mbrojtjes, Arta Musaraj në Vlorë për fillimin e punimeve

22 prill 2013

Foto Galeri

Lexoni më shumë...Plot 60 mijë banorë në krahinën e lumit të Vlorës përfitojnë nga ndihma dhe mbështetja e Ministrisë së Mbrojtjes, resurseve të Forcave të Armatosura dhe koordinimit mes FA dhe strukturave lokale. Segmenti i rrugës Babicë - Peshkopi, rreth 7 km, në një gjendje tejet të amortizuar që iu shërben banorëve të kësaj zone, pjesë e aksit të vjetër rrugor Vlorë -Tepelenë, tani do të ketë rehabilitimin e plotë. Në një aksion dhe plan veprimi të jashtëzakonshëm, Ministria e Mbrojtjes iu është përgjigjur kërkesës së 6 kryekomunarëve të kësaj zone, që kërkonin mbështetje për rehabilitimin e këtij segmenti rrugor me synim lehtësimin e qarkullimit, pothuajse të pamundur, që do të lehtësonte jo vetëm bizneset e tyre por edhe lëvizjen e njerëzve në këtë fillim sezoni turistik.

Lexoni më shumë...

“Dita ndërkombëtare e monumenteve të kulturës dhe siteve arkeologjike”

18 prill 2013

Foto Galeri

Lexoni më shumë...Në zbatim të kalendarit vjetor të aktiviteteve të artit, kulturës dhe trashëgimisë për vitin 2013, Drejtoria e Aktiviteteve dhe Marrëdhënieve me Komunitetin pranë Qendrës së Kulturës, Medias dhe Botimeve të Mbrojtjes, në bashkëpunim me Drejtorinë e J9, në Shtabin e Përgjithshëm të Forcave së Armatosura të Republikës së Shqipërisë, organizuan një vizitë në ambientet e shtëpisë muze “Sali Shijaku, monument kulture i kategorisë së parë”, në kuadër të “Ditës ndërkombëtare të monumenteve dhe siteve Arkeologjike”, shpallur nga Konferenca e Përgjithshme e UNESCO, më 18 prill.

Lexoni më shumë...

Shqipëria nuk ka thyer asnjë embargo ndërkombëtare

12 prill 2013
 
Lexoni më shumë...Sot, Sekretari i Përgjithshëm i Ministrisë së Mbrojtjes, z. Edvin Kulluri, dha një deklaratë për mediat në të cilën thuhet: Ministria e Mbrojtjes, e gjendur përballë fushatës për rilindje të shpifjeve ndaj institucionit dhe shtetit, është e detyruar t’i përgjigjet pretendimeve absurde të ngritura nga deputetë të opozitës për thyerje të embargos mbi Libinë.
Kontrata për eksport municioni në fjalë është realizuar me një vend mik dhe Forcat e tij të Armatosura, që sipas raportit të panelit të ekspertëve të Këshillit të Sigurisë të OKB, janë pronar dhe përdorues të fundit ligjorë. Ministria e Mbrojtjes disponon të gjithë informacionin ligjor, të cilin ia ka vënë në dispozicion dhe panelit të ekspertëve të Organizatës së Kombeve të Bashkuara.

Lexoni më shumë...