Ministria e Mbrojtjes - Arkivi 2008-2013

Organizohet në QKMBM aktiviteti “Banda muzikore “Vatra”, bërthama e lindjes së OFKFA”

11 prill 2013

Foto Galeri

Lexoni më shumë...Në zbatim të kalendarit vjetor të aktiviteteve të artit, kulturës dhe trashëgimisë për  vitin 2013, në sallën e madhe të Qendrës së Kulturës, Medias dhe Botimeve të Mbrojtjes, u zhvillua aktiviteti “Banda muzikore “Vatra”, bërthama e lindjes së Orkestrës Frymore Kombëtare të Forcave të Armatosura”. Ky aktivitet u organizua nga QKMBM në bashkëpunim me Federatën “Vatra”, Amerikë dhe kishte për qellim nxjerrjen në pah të rëndësisë dhe vlerave që ka krijimi i bandës “Vatra” si pararendëse e Bandës Kombëtare të Shtetit Shqiptar dhe Orkestrës Frymore të Forcave të Armatosura të Shqipërisë. Të pranishëm në këtë aktivitet ishin: zëvendësministrja e Mbrojtjes, znj. Arta Musaraj, familjarë dhe të afërm të themeluesit të bandës “Vatra”, Thomas Nassi, ushtarakë të Forcave të Armatosura, punonjës të Ministrisë së Mbrojtjes dhe QKMBM, si dhe të ftuar të tjerë.

Lexoni më shumë...

Miratohet dokumenti i Rishikimit Strategjik të Mbrojtjes, i pari dokument i këtij lloji si vend aleat i NATO

11 prill 2013

Vendimi i KM, përshëndetja e kryeministrit dhe ministrit të Mbrojtjes në pdf

Lexoni më shumë...Këshilli i Ministrave të Republikës së Shqipërisë miratoi dokumentin e Rishikimit Strategjik të Mbrojtjes. Ai është dokumenti më i rëndësishëm për Sigurinë dhe Mbrojtjen dhe kryhet në kushtet kur Shqipëria është një vend aleat i Traktatit të Atlantikut të Veriut. Në këtë dokument bëhet një vlerësim analitik i mjedisit aktual dhe të pritshëm të sigurisë dhe të mbrojtjes, bëhet identifikimi i interesave dhe objektivave kombëtarë, argumentimi analitik për rolin e Forcave të Armatosura në këtë mjedis, sasia dhe cilësia e kapaciteteve që ato duhet të disponojnë sipas skenarëve më të mundshëm të përdorimit të tyre, si dhe organizimi i tyre në një forcë moderne e të besueshme për përmbushjen e misionit kushtetues, në kuadrin e mbrojtjes kolektive apo më vete.

Lexoni më shumë...

Përfundoi stërvitja “Pezë-Helmës 2013” dhe misioni “ALTHEA” në Bosnje dhe Hercegovinë

10 prill 2013

Foto Galeri

Lexoni më shumë...Në vijim të aktiviteteve që zhvillon Ministria e Mbrojtjes dhe Shtabi i Përgjithshëm i FA, sot në Brigadën Logjistike u zhvilluan dy veprimtari të rëndësishme: Përfundimi i stërvitjes “Pezë-Helmës 2013” dhe ceremonia e mbylljes së misionit “ALTHEA” në Bosnje dhe Hercegovinë nga FA shqiptare. Në të dy këto aktivitete ishin të pranishëm: zëvendësministrat e Mbrojtjes, z. Ekrem Spahiu dhe znj. Arta Musaraj, shefi i Shtabit të Përgjithshëm i FA, gjeneralmajor Xhemal Gjunkshi, drejtori i Përgjithshëm i Policisë së Shtetit, z. Hysni Burgaj, gjeneralë, drejtorë të Ministrisë së Mbrojtjes dhe Policisë së Shtetit, ushtarakë të lartë të FA, atashe ushtarakë të akredituar në vendin tonë etj.

Lexoni më shumë...

Zёvendёsministri i Mbrojtjes, Ekrem Spahiu në Slloveni: Asgjësimi i municioneve të tepërta drejt përfundimit në Shqipëri

6 prill 2013

Lexoni më shumë...Para pak ditësh, në Bled të Sllovenisë u mbajt Konferenca e 6-të e Europës Juglindore për Reduktimin e Municioneve të Tepërta. Në këtë konferencë nga Shqipëria mori pjesë një delegacion i kryesuar nga zёvendёsministri i Mbrojtjes, z. Ekrem Spahiu. Të pranishëm në këtë aktivitet ishin gjithashtu ministri i Mbrojtjes të Sllovenisë, Roman Jakic, përfaqësues të Departamentit Amerikan të Shtetit, ambasadori i SHBA në Slloveni, drejtorë të institucioneve ndërkombëtare që merren me reduktimin e armëve dhe të municioneve, përfaqësues të ministrive të Mbrojtjes nga vendet e rajonit, etj.

Lexoni më shumë...

Kremtohet 4-vjetori i anëtarësimit të Shqipërisë në NATO

Kryeministri Berisha: Shqipëria si anëtar i ri ka bërë përpjekjet më serioze, me përkushtim të madh për t’iu përgjigjur obligimeve të saj. Forcat e Armatosura kanë shërbyer dhe do të shërbejnë në zonat më të nxehta të veprimtarisë së forcave të Aleancës. Ne mbetemi të vendosur të përmbushim çdo detyrim që rrjedh nga akti i anëtarësimit të vendit në NATO.

Ministri Imami: Mund të themi me bindje se katër vjet pas anëtarësimit në NATO, Shqipëria ka një Forcë të Armatosur të vogël në numër, por efiçente, moderne dhe të ndërveprueshme. Ushtria shqiptare sot është një ushtri perëndimore.

4 prill 2013

Fjala e Ministrit, Foto Galeri

Lexoni më shumë...Me rastin e 4-vjetorit të anëtarësimit të Republikës së Shqipërisë në NATO, sot pasdite, në sallën e auditoriumit të Komandës së Doktrinës dhe Stërvitjes u zhvillua konferenca me temë “Forcat e Armatosura të Republikës së Shqipërisë dhe NATO”. Në këtë konferencë morën pjesë: kryeministri i Shqipërisë, z. Sali Berisha, ministri i Mbrojtjes, z. Arben Imami, ministra të tjerë të kabinetit qeveritar, shefi i Shtabit të Përgjithshëm i FA, gjeneralmajor Xhemal Gjunkshi, ambasadori i SHBA në Tiranë, z. Alexandër Arvizu, personalitete të lartë nga institucione të tjera të shtetit, autoritete nga përfaqësitë diplomatike dhe atashetë ushtarakë të akredituar në vendin tonë si dhe mjaft të ftuar të tjerë.

Lexoni më shumë...