Ministria e Mbrojtjes - Arkivi 2008-2013

“Pranverë ngjyrash”në Qendrën e Kulturës, Medias dhe Botimeve të Mbrojtjes (QKMBM)

30 mars 2013

Foto Galeri

Lexoni më shumë...Ditën e shtunë, më 30 mars, në zbatim të kalendarit vjetor së aktiviteteve të artit, kulturës dhe trashëgimisë për vitin 2013, Drejtoria e Aktiviteteve dhe Marrëdhënieve me Komunitetin pranë Qendrës së Kulturës, Medias dhe Botimeve të Mbrojtjes, organizoi aktivitetin “Pranverë ngjyrash në QKMBM”. Ky aktivitet u organizua në ambientet e hapura të QKMBM me një skenë të improvizuar dhe mjaft origjinale.  Ambienti i hapur i QKMBM ku u zhvillua ky aktivitet ishte i mbushur plot e përplot me fëmijët e ushtarakëve, punonjësve civilë në Ministrinë e Mbrojtjes dhe Shtabit të Përgjithshëm së Forcave të Armatosura, familjarë të tyre dhe të ftuar të tjerë, të cilët e ndoqën me mjaft interes këtë organizim mjaft të veçantë dhe argëtues.

Lexoni më shumë...

Ministri i Mbrojtjes Imami priti atasheun ushtarak të Rumanisë

27 mars 2013

Lexoni më shumë...Sot paradite, ministri i Mbrojtjes, z. Arben Imami, priti në takim nënkolonel Laurentiu Rusan, i cili sapo ka nisur detyrën e atasheut ushtarak të Republikës së Rumanisë në Tiranë. Në këtë takim ishte i pranishëm edhe kolonel Daniel Plescan, i cili përfundoi detyrën si atashe ushtarak i Rumanisë në vendin tonë. Ministri i Mbrojtjes, z. Arben Imami, pasi ka uruar nënkolonel Laurentiu Rusan për detyrën e re si atashe ushtarak i Republikës së Rumanisë në vendin tonë, ka vlerësuar marrëdhëniet historike midis dy vendeve dhe dy popujve tanë, të cilët jetojnë prej mijëra vitesh në gadishullin e Ballkanit, rajon i cili, sipas z. Imami, sot më tepër se kurrë njeh paqe dhe stabilitet dhe i ka të hapura mundësitë e zhvillimit dhe të prosperitetit.

Lexoni më shumë...

Në QKMBM zhvillohet “Dita Botërore e Poezisë”

23 mars 2013

Foto Galeri

Lexoni më shumë...Në kuadër të 21 marsit “Ditës Botërore të Poezisë” shpallur nga Unesco,  Qendra e Kulturës, Medias dhe Botimeve të Mbrojtjes organizoi një aktivitet të bukur poetik të emërtuar “Dita Botërore e Poezisë”. Holli i madh i QKMBM-së, ku u zhvillua ky aktivitet ishte i mbushur me ushtarakë, familjarë të tyre, fëmijë dhe të ftuar të tjerë. Repertori i këtij aktiviteti poetik ishte përzgjedhur me shumë kujdes nga specialistët e Sektorit të Rekreacionit, duke u mbështetur kryesisht në krijimtarinë letrare të poetëve tanë të shquar: Ismail Kadare, Dritëro Agolli, Odise Grillo, Gjergj Fishta, Pashko Vasa, Fan S. Noli, Zana Myrtezai, Migjeni, Andon Zako Çajupi, Xhevair Spahiu etj.

Lexoni më shumë...

Ministri i Mbrojtjes z. Arben Imami priti atasheun ushtarak të Austrisë gjeneral brigade Roman Fischer

20 mars 2013

Lexoni më shumë...Sot, paradite ministri i Mbrojtjes, z. Arben Imami ka pritur në një takim të veçantë atasheun Austriak me rezidencë në Kroaci, gjeneral brigade Roman Fischer. I pranishëm në takim ishte edhe ambasadori Austriak në Tiranë, z. Florian Raunig. Qëllimi i kësaj vizite ishte bashkëpunimi dypalësh në fushën e mbrojtjes me Austrinë. Bashkëpunimi me Austrinë në fushën e mbrojtjes, është bazuar në marrëveshjen e firmosur në tetor 1993, nga ministrat e Mbrojtjes të dy vendeve. Mbi bazën e kësaj marrëveshje, gjatë viteve të kaluara janë hartuar plane vjetore për bashkëpunimin bilateral.

Lexoni më shumë...

Zhvillohet stërvitje kërkim-shpëtimi në Batalionin e Këmbësorisë në Vaun e Dejës

12 mars 2012

Foto Galeri

Lexoni më shumë...Gjatë ditës së sotme, në rajonin e Vaut të Dejës në Shkodër u zhvillua një stërvitje kërkim-shpëtimi me pjesëmarrjen e Batalionit të Parë të Këmbësorisë të Forcave Tokësore. Qëllimi i kësaj stërvitjeje ishte aftësimi i personelit të Batalionit të Parë të Këmbësorisë për realizimin e detyrave në operacionet e kërkim-shpëtimit si dhe të emergjencave civile në ndihmë të popullsisë. E veçanta e kësaj stërvitjeje ishte se ajo u realizua në kushte të rënduara atmosferike dhe në një terren tepër të thyer malor, duke synuar testimin e operacionalitetit dhe të aftësive fizike të efektivit të këtij batalioni.

Lexoni më shumë...