Ministria e Mbrojtjes - Arkivi 2008-2013

Shefi i Shtabit të Përgjithshëm i FA greke Mikhail Kostarakos viziton Shqipërinë

E martë, 26 shkurt 2013

Foto Galeri

Lexoni më shumë...Sot paradite, ministri i Mbrojtjes, z. Arben Imami priti në një takim të veçantë, shefin e Shtabit të Përgjithshëm të Forcave të Armatosura të Republikës së Greqisë, gjeneral Mikhail Kostarakos i cili në krye të një delegacioni të lartë ushtarakësh grekë ndodhet në Tiranë në një vizitë zyrtare. Qëllimi i vizitës së delegacionit ushtarak grek është bashkëpunimi në fushën e mbrojtjes mes dy vendeve fqinje. Ministri i Mbrojtjes Imami, pasi i ka uruar mirëseardhjen në Tiranë, gjeneral Mikhail Kostarakos dhe delegacionit që ai kryeson, vlerësoi ndihmën dhe përkrahjen që Forcat e Armatosura të Greqisë i kanë dhënë Forcave tona të Armatosura, si dhe përkrahjen politike që Greqia i dha Shqipërisë për anëtarësimin e saj në Aleancën e Atlantikut të Veriut.

Lexoni më shumë...

Takimi i ministrave të Mbrojtjes së NATO

21-22 shkurt 2013

Lexoni më shumë...Ministri i Mbrojtjes Z. Arben Imami mori pjesë në takimin e radhës së ministrave të Mbrojtjes së Aleancës së Atlantikut, mbajtur në Bruksel në datat 21-22 shkurt 2013, në shtabin e NATO.
Takimi u fokusua në çështjet e kapaciteteve të mbrojtjes, ndërveprimit, kontributeve në fondin e përbashkët të NATO, zgjerimit të bashkëpunimit shumëpalësh dhe pjesëmarrjes në stërvitjet e NATO, përgatitjet për tranzicionin në Afganistan dhe forcimit të bashkëpunimit NATO-Ukrainë etj.

Lexoni më shumë...

Kthehet në atdhe kontingjenti “EAGLE-5” me mision në Kandahar, Afganistan

22 shkurt 2013

Lexoni më shumë...Sot, në orët e para të mëngjesit u kthye në atdhe kontingjenti “EAGLE-5”. Ky kontingjent ishte i përbërë nga 45 ushtarakë të Batalionit të Forcës Speciale. Trupat u pritën në Aeroportin e Rinasit nga shefi i Shtabit të Përgjithshëm të Forcave të Armatosura, gjeneralmajor Xhemal Gjunkshi, komandanti i Forcave Tokësore, gjeneralmajor Zyber Dushku, ushtarakë, familjarë dhe të afërm të paqeruajtësve.

Lexoni më shumë...

Kremtohet “Dita ndërkombëtare e gjuhës amtare”- UNESCO

21 shkurt 2013

Foto Galeri

Lexoni më shumë...Me iniciativën e Qendrës së Kulturës, Medias dhe Botimeve të Mbrojtjes në bashkëpunim me Komitetin Shtetëror të Minoriteteve dhe me shoqatat kulturore të minoriteteve etnike dhe gjuhësore, është zhvilluar sot në ambientet e QKMBM “Dita ndërkombëtare e gjuhës amtare”- UNESCO. Në këtë aktivitet ishin të pranishëm përfaqësues nga minoritetet etnike dhe gjuhësore si ai: grek, maqedonas, serbo-malazez, arumun dhe nga minoriteti rom. Gjithashtu i pranishëm ishte edhe ambasadori i Maqedonisë në Tiranë, z.  Vele Trpevski dhe drejtori i Drejtorisë së Trashëgimisë Kulturore në Ministrinë e Turizmit, Kulturës, Rinisë dhe Sporteve, z. Ols Lafe.

Lexoni më shumë...

Përkujtohet 1-vjetori i rënies në krye të detyrës të Dëshmorit të Atdheut, kapiten Feti Vogli

Ministri Imami: Shpirti i tij do të prehet përjetësisht në altarin e lirisë të kombit shqiptar. Ai do të përmendet si shembull i shkëlqyer dhe heroik në çdo apel të kontingjenteve tona që do të nisen në operacionet jashtë vendit. Ne do të përulemi gjithnjë me respekt përpara veprës dhe sakrificës së tij në shërbim të paqes e sigurisë si ushtarak model.

20 shkurt 2013

Foto Galeri

Lexoni më shumë...Sot paradite, në mjediset e Batalionit të Forcave Speciale në Zall-Herr është zhvilluar një ceremoni e veçantë përkujtimore me rastin e 1-vjetorit të rënies në krye të detyrës të Dëshmorit të Atdheut, kapiten Feti Vogli gjatë kryerjes së misionit COMBAT “Eagle 4”, në Kandahar të Afganistanit. Në këtë ceremoni ishin të pranishëm: ministri i Mbrojtjes, z. Arben Imami, shefi i Shtabit të Përgjithshëm i FA, gjeneralmajor Xhemal Gjunkshi, kryetari i Komisionit Parlamentar të Sigurisë Kombëtare, z. Leonard Demi, zëvendësministrat e Mbrojtjes, z. Arian Starova dhe z. Ekrem Spahiu, gjeneralë, drejtorë dhe ushtarakë të lartë të Forcave të Armatosura, familjarë dhe të afërm të kapiten Feti Voglit. Gjithashtu të pranishëm ishin ambasadori i SHBA në Tiranë, z. Alexander Arvizu, atashe ushtarakë të akredituar në vendin tonë, etj.

Lexoni më shumë...