Ministria e Mbrojtjes - Arkivi 2008-2013

Mbërrin në Shqipëri “COUGAR” i tretë

Ministrja Kodheli: Ngjarje e veçantë për Forcat e Armatosura

18 dhjetor 2013

Foto Galeri

Lexoni më shumë...Sot pasdite, në mjediset e Komandës së Forcave Ajrore në Rinas u zhvillua ceremonia e mbërritjes së helikopterit “COUGAR”. Ky helikopter është i treti që i bashkohet Forcës Ajrore dhe është ndërtuar në zbatim të kontratës ndërmjet Ministrisë së Mbrojtjes të Republikës së Shqipërisë dhe kompanisë franceze “Eurocopter”, nënshkruar më 17 dhjetor të vitit 2009. Në këtë ceremoni ishin të pranishëm: ministrja e Mbrojtjes, znj. Mimi Kodheli, shefi i Shtabit të Përgjithshëm i FA, gjeneralmajor Jeronim Bazo, gjeneralë dhe ushtarakë të tjerë të lartë të Ministrisë së Mbrojtjes, Shtabit të Përgjithshëm dhe Forcave të Armatosura.

Lexoni më shumë...

“Dita e hapur për publikun” në batalionin e Forcave Speciale

Ministrja Kodheli: Uroj që një ditë shumëkush prej jush të ketë dëshirën të jetë pjesë e Forcave të Armatosura.

18 dhjetor 2013

Foto Galeri

Lexoni më shumë...Në prag të festave të fundvitit, në batalionin e Forcave Speciale në Zall-Herr u zhvillua sot një aktivitet i veçantë dhe mbresëlënës i titulluar “Dita e hapur për publikun”.

Të pranishëm ishin: ministrja e Mbrojtjes, znj. Mimi Kodheli, shefi i Shtabit të Përgjithshëm i Forcave të Armatosura, gjeneralmajor Jeronim Bazo, gjeneralë, drejtorë drejtorish dhe ushtarakë nga Ministria e Mbrojtjes dhe Shtabi i Përgjithshëm i FA, si dhe mjaft të ftuar të tjerë. Në këtë aktivitet ishin ftuar dhe morën pjesë nxënësit e shkollës 9-vjeçare “Mustafa Kemal Ataturk” në Zall-Herr. Ministrja e Mbrojtjes, znj. Mimi Kodheli dhe shefi i Shtabit të Përgjithshëm të FA, gjeneralmajor Jeronim Bazo zhvilluan një bashkëbisedim të ngrohtë me fëmijët dhe nxënësit e pranishëm.

Lexoni më shumë...

Ministrja e Mbrojtjes, znj. Kodheli vizitë zyrtare në Itali

17 dhjetor 2013

Foto Galeri

Lexoni më shumë...Ministrja e Mbrojtjes, znj. Mimi Kodheli ndodhet në Itali për një vizitë zyrtare me ftesë të homologut të saj, z. Mario Mauro. Gjatë takimit, ministri italian i Mbrojtjes, z. Mario Mauro e uroi ministren Kodheli për detyrën, si ministre e Mbrojtjes së Shqipërisë dhe u ndal sidomos në bashkëpunimin mes dy vendeve tona. Ministrja Kodheli i kërkoi homologut të saj mbështetjen e Italisë për statusin e vendit kandidat të Shqiperisë. Një tjetër temë e bisedës ishte edhe forcimi i bashkëpunimit mes dy qeverive tona në fushën ekonomike, sidomos në ata sektorë me interes të përbashkët.

Lexoni më shumë...

Ministria e Mbrojtjes inspekton grup-depot e municioneve në Qafë-Shtamë

17 dhjetor 2013

Lexoni më shumë...Në zbatim të planit të punës për kontrollin e zonave, të cilat janë të evidentuara si hotspote në vend, gjatë ditës së sotme drejtues të Ministrisë së Mbrojtjes dhe Shtabit të Përgjithshëm të Forcave të Armatosura, si dhe specialistë dhe ekspertë të kësaj fushe inspektuan grup-depot e municioneve në Qafë-Shtamë.

Të pranishëm në këtë inspektim ishin: sekretari i Përgjithshëm i MM, z. Arjan Kraja, zëvendësshef i Shtabit të Përgjithshëm i FA, gjeneralmajor Viktor Berdo dhe komandanti i Brigadës Logjistike, gjeneral brigade Syrja Gjoka.

Lexoni më shumë...

Intervista e ministres së Mbrojtjes, znj. Mimi Kodheli dhënë për agjencinë e lajmeve Deutche Welle (DW)

10 dhjetor 2013

Lexoni më shumë...Pyetje: Në lidhje me kallëzimin penal që keni bërë ndaj ish-ministrit të Mbrojtjes, z. Arben Imami për abuzime. Ju, sipas deklaratës që bëtë thoni se akuzat janë të mirëargumentuara. Çfarë do të thotë kjo më konkretisht?

Ministrja Kodheli: Së pari më lejoni të them se unë në pozicionin e ministres së Mbrojtjes dhe pjesë e qeverisë Rama, kam ardhur në pushtet me votat e 1 milion shqiptarëve për ta drejtuar këtë vend dhe jo për t’u marrë me “gjueti shtrigash”.

Lexoni më shumë...