Ministria e Mbrojtjes - Arkivi 2008-2013

Deklaratë për media e ministres së Mbrojtjes, znj. Mimi Kodheli

Lexoni më shumë...Ministria e Mbrojtjes depoziton në Prokurorinë e Përgjithshme një kallëzim penal në ngarkim të ish ministrit të Mbrojtjes dhe disa ish punonjësve të kësaj Ministrie, për konsumin e veprës penale “Shpërdorim detyre”, “Shpërdorim i kontributeve të dhëna nga shteti”, si dhe “Shkelje e barazisë së pjesëmarrësve në tender apo ankand publik”.

Në një deklaratë për mediat, ministrja e Mbrojtjes znj. Mimi Kodheli siguroi se kemi të bëjmë me një padi të përgatitur nga një grup ekspertësh, të cilët kanë shqyrtuar deri në detaje të gjithë këtë aferë korruptive, si dhe kërkoi nga Prokuroria e Përgjithshme të veprojë duke investiguar mbi të gjitha këto veprime antiligjore që kanë çuar në shkelje të procedurave dhe në një abuzim të madh me paranë publike.

Lexoni më shumë...

Ministrja e Mbrojtjes Kodheli priti ambasadorin e Republikës së Maqedonisë

Ministrja Kodheli: Shqiptarët e Maqedonisë, pjesë përbërëse e lokomotivës që udhëheq vendin drejt BE dhe NATO.

6 dhjetor 2013

Lexoni më shumë...Ministrja e Mbrojtjes, znj. Mimi Kodheli priti në një takim ambasadorin e Republikës së Maqedonisë në Shqipëri,    z. Stojan Karajanov. Ministrja Kodheli e falënderoi ambasadorin maqedonas për vizitën dhe shtoi se detyra e tij është e rëndësishme në një vend mik si Shqipëria. Znj. Kodheli e garantoi diplomatin maqedonas për vendosmërinë e qeverisë shqiptare për ta mbështetur Maqedoninë në proceset e saj integruese, që në momentin e parë kur të ketë një zhvillim politik të situatës atje.
 

Lexoni më shumë...

Përfundoi Kursi i 5 i Lartë i Sigurisë dhe Mbrojtjes

6 dhjetor 2013

Foto Galeri

Lexoni më shumë...Në sallën e auditoriumit në Ministrinë e Mbrojtjes, u organizua sot ceremonia e përfundimit të Kursit të 5 të Lartë të Sigurisë dhe Mbrojtjes.
 
Në këtë ceremoni ishin të pranishëm: zëvendësministri i Mbrojtjes z. Dritan Hila, shefi i Shtabit të Përgjithshëm i FA, gjeneralmajor Jeronim Bazo, gjeneralë, drejtorë dhe ushtarakë të lartë të Ministrisë së Mbrojtjes, Shtabit të Përgjithshëm dhe Forcave të Armatosura, përfaqësues të Policisë së Shtetit etj. Të pranishëm ishin gjithashtu ambasadori i Republikës së Turqisë, z. Hydayet Bayraktar, ambasadori i Greqisë, z. Leonidhas Rokanas, ambasadori i Rumanisë, z. Viorel Stanila, ambasdori i Kroacisë, z. Aleksandër Stipetic, përfaqësues nga ambasada e Maqedonisë dhe Kosovës, atashe ushtarakë të akredituar në vendin tonë dhe përfaqësues të CUBIC.

Lexoni më shumë...

Kremtohet 101-vjetori i krijimit të Forcave të Armatosura shqiptare

Ministrja Kodheli: Mbetem besimplotë se të gjithë gratë dhe burrat me uniformë, kudo ku ata shërbejnë, nuk do të reshtin asnjë çast përpjekjet për të arritur standardet më të larta, për ta bërë Forcën tonë të Armatosur pjesë dinjitoze të Aleancës.

4 dhjetor 2013

Foto Galeri

Lexoni më shumë...

Sot paradite, në sallën e auditoriumit të Ministrisë së Mbrojtjes u zhvillua një konferencë solemne me rastin e 101-Vjetorit të krijimit të Forcave të Armatosura të Republikës së Shqipërisë. Më 4 dhjetor të vitit historik 1912, pak ditë pasi patrioti i madh Ismail Qemali shpalli më 28 nëntor 1912 në Vlorë pavarësinë e Shqipërisë, u krijua edhe Ministria Kombëtare e Luftës, duke shënuar kështu edhe krijimin e Forcave të Armatosura Shqiptare. 
Në këtë veprimtari ishin të pranishëm: ministrja e Mbrojtjes, znj. Mimi Kodheli, shefi i Shtabit të Përgjithshëm i FA-së, gjeneralmajor Jeronim Bazo, gjeneralë, drejtorë të drejtorive të Ministrisë së Mbrojtjes dhe Shtabit të Përgjithshëm, si dhe ushtarakë të tjerë të lartë të Forcave të Armatosura. Gjithashtu ishin të ftuar dhe morën pjesë edhe ish-ministra të Mbrojtjes ndër vite, atashe ushtarakë të akredituar në vendin tonë, ushtarakë veteranë, si dhe mjaft të ftuar të tjerë.

Lexoni më shumë...

Sqarim i Ministrisë së Mbrojtjes

02 dhjetor 2013

Lexoni më shumë...Ministria e Mbrojtjes bën me dije opinionit publik se shkrimi i botuar sot në gazetën “Panorama”, sipas të cilit “Ministria e Mbrojtjes ka përgatitur projektvendimin për armët kimike, por që nuk u miratua në qeveri pas ‘JO’ së kryeministrit Rama”, nuk është i vërtetë.

Ministria e Mbrojtjes sqaron opinionin publik se projektvendimi "Për një ndryshim në vendimin nr. 997, datë 10.12.2010 të Këshillit të Ministrave 'Për trajtimin financiar të punonjësve që dërgohen me shërbim jashtë qendrës së punës, brenda vendit', i ndryshuar", nuk flet në asnjë moment për përgatitje për sjellje armësh kimike në Shqipëri.

Propozimi ka të bëjë me trajtimin e njëjtë dhe të barabartë të punonjësve të FA, me pjesën tjetër të administratës, siç edhe sqaron relacioni përkatës. Ministria e Mbrojtjes ka përgatitur këtë projektvendim nisur nga fakti që një pjesë e depove me kimikate stoqe, janë vendosur në zona të cilat ndodhen në një distancë nën 100 km larg nga qendra e punës, si edhe në kuadër të vështirësisë së lartë që paraqet kryerja e një shërbimi të tillë nga personeli ushtarak i FA.

Lexoni më shumë...