Ministria e Mbrojtjes - Arkivi 2008-2013

Ministrja Kodheli bën homazhe në nderim të dëshmorëve të Atdheut

29 nëntor 2013

 
Lexoni më shumë...Ministrja e Mbrojtjes, znj. Mimi Kodheli, mori pjesë në ceremoninë e vendosjes së kurorave për 29 Nëntorin tek monumenti "Nënë Shqipëri", në varrezat e dëshmorëve të Kombit.
 
Në fund të ceremonisë, ministrja Mimi Kodheli e shoqëruar nga shefi i Shtabit të Përgjithshëm gjeneralmajor Jeronim Bazo, ka vendosur një kurorë me lule mbi varrin e dëshmorit të Atdheut, Feti Vogli, i cili ra në detyrë gjatë një misioni në Afganistan.
 
 

Ministrja e Mbrojtjes, znj. Mimi Kodheli takon ministrin e Forcave të Sigurisë së Kosovës, z. Agim Çeku

22 nëntor 2013

Lexoni më shumë...Ministrja e Mbrojtjes, znj. Mimi Kodheli priti në një takim kortezie ministrin e Forcës së Sigurisë së Kosovës z. Agim Çeku. Gjatë këtij takimi, ministrja Kodheli dhe ministri Çeku, diskutuan për fushat e bashkëpunimit mes dy vendeve tona, veçanërisht në atë të mbrojtjes.

Bashkëbiseduesit u ndalën gjerësisht tek diskutimi i temave dhe çështjeve të cilat do të jenë pjesë e mbledhjes së përbashkët të dy qeverive, asaj të Kosovës dhe të Shqipërisë në javët në vijim.

Lexoni më shumë...

Forcat e Armatosura marrin pjesë në aksionin kombëtar “Të pastrojmë Shqipërinë në një ditë”

Mbi 700 forca dhe 40 mjete të FA marrin pjesë në aksionin kombëtar: “Të pastrojmë Shqipërinë në një ditë”.

22 nëntor 2013

Lexoni më shumë...Forcat e Armatosura janë përfshirë sot në aksionin kombëtar “Të pastrojmë Shqipërinë në një ditë”. Me këtë rast, ministrja e Mbrojtjes, znj. Mimi Kodheli ishte pranë trupave dhe mjeteve të strukturave të Forcës Tokësore që u angazhuan për pastrimin e plazhit të Tales në Lezhë, ku është pritur nga komandanti i kësaj force, gjeneralmajor Zyber Dushku. Ministrja Kodheli është shprehur së në aksionin që po bëhet sot për pastrimin nga mbetjet e ndryshme, vërehet se në bregdetin tonë gjenden shumë mbetje të rrezikshme spitalore, jo vetëm për ambientin, por edhe për qytetarët. Sipas saj, këto mbetje vijnë përmes lumit Mat dhe përfundojnë në det.

Lexoni më shumë...

Përmbyllet me sukses projekti i ripaketimit të lëndëve kimike

20 nëntor 2013

Foto Galeri

Lexoni më shumë...Në repartin ushtarak në Qafë Mollë është zhvilluar sot një ceremoni me rastin e përfundimit me sukses të fazës së parë të projektit të ripaketimit të lëndëve kimike. Në këtë ceremoni ishte e pranishme ministrja e Mbrojtjes, znj. Mimi Kodheli, ambasadori i OSBE në Tiranë, z. Florian Rauning, ambasadori i Republikës Çeke, z Bronislava Tomasova, ambasadori i Spanjës, z. Rafael Tormo Perez, zëvendësshefi i Shtabit të Përgjithshëm i FA, gjeneralmajor Viktor Berdo, atashe ushtarakë të akredituar në vendin tonë, përfaqësues të Zyrës së CUBIC, si dhe ushtarakë të lartë të Ministrisë së Mbrojtjes dhe Shtabit të Përgjithshëm.

Lexoni më shumë...

Kryeministri Rama viziton Forcat e Armatosura

11 nëntor 2013

Foto Galeri

Lexoni më shumë...Sot paradite, kryeministri i Republikës së Shqipërisë, z. Edi Rama, bëri një vizitë në Forcat e Armatosura. Me këtë rast në sheshin kryesor të Komandës së Doktrinës dhe Stërvitjes u organizua një ceremoni e veçantë. Kryeministri Rama u prit me Truproje Nderi nga ministrja e Mbrojtjes, znj. Mimi Kodheli dhe shefi i Shtabit të Përgjithshëm i FA, gjeneralmajor Jeronim Bazo. Të pranishëm në këtë ceremoni ishin komandantët e Forcave, gjeneralë dhe drejtorë të Ministrisë së Mbrojtjes dhe Shtabit të Përgjithshëm, atashe ushtarakë të akredituar në vendin tonë, si dhe trupa ushtarake të rreshtuara nga të gjitha llojet e Forcave.

Lexoni më shumë...