Ministria e Mbrojtjes - Arkivi 2008-2013

Zhvillohet ceremonia e marrjes së detyrës nga shefi i Shtabit të Përgjithshëm të Forcave të Armatosura

08 nëntor 2013

Foto Galeri

Lexoni më shumë...Sot në mesditë, në Ministrinë e Mbrojtjes u zhvillua ceremonia e marrjes së detyrës nga shefi i Shtabit të Përgjithshëm të Forcave të Armatosura të Republikës së Shqipërisë, gjeneralmajor Jeronim Bazo, i cili u dekretua dje nga presidenti i Republikës, z. Bujar Nishani.
Në këtë ceremoni ishin të pranishëm: ministrja e Mbrojtjes, znj. Mimi Kodheli, gjeneralë, drejtorë dhe ushtarakë të tjerë të lartë të Ministrisë së Mbrojtjes, Shtabit të Përgjithshëm dhe Forcave të Armatosura.

Lexoni më shumë...

Ministrja Kodheli takon ministrin e Mbrojtjes së Greqisë Dimitrios Avramopoulos

Ministrja Kodheli: "Kërkoj mbështetje të Shqipërisë për në BE dhe mësim të gjuhës shqipe për emigrantët shqiptarë në Greqi". 

4 nëntor 2013

Foto Galeri

Lexoni më shumë...Sot pasdite, ministrja e Mbrojtjes, znj. Mimi Kodheli priti në një takim të veçantë ministrin e Mbrojtjes së Republikës së Greqisë, z.  Dimitrios Avramopoulos, i cili ndodhet për një vizitë zyrtare në Shqipëri. Në këtë takim ishtë i pranishëm edhe ambasadori i Greqisë në Tiranë, z. Leonidas Rokanas. Gjatë takimit, ministrja Kodheli dhe homologu i saj grek Avramopoulos diskutuan rreth një sërë çështjesh të rëndësishme. Ministrja Kodheli theksoi se, për ne është e rëndësishme që të instensifikojmë marrëdhëniet mes dy vendeve tona si fqinjë, por edhe si vende që kemi shumë të përbashkëta. Të zgjidhim ato çështje ende të pazgjidhura mes nesh dhe të shohim përpara për një të ardhme më të sigurtë, -është shprehur, ndër të tjera, znj. Kodheli. Më tej, në fjalën e saj, ministrja Kodheli vlerësoi lart vizitën që Presidenti Papulias po bën në Shqipëri dhe mesazhin që ai dha për intensifikimin e mëtejshëm të bashkëpunimit mes dy shteteve tona.

Lexoni më shumë...

Ministrja e Mbrojtjes Kodheli dekoroi kolonel Erkan Erol

01 nëntor 2013

Foto Galeri

Lexoni më shumë...Në Ministrinë e Mbrojtjes është zhvilluar sot një ceremoni e veçantë me rastin e dekorimit të oficerit koordinator pranë Kryesisë së Këshillit të Koordinimit dhe Bashkëpunimit Ushtarak të Republikës së Turqisë në Tiranë.
Në këtë ceremoni ishte e pranishme ministrja e Mbrojtjes, znj. Mimi Kodheli, shefi i Shtabit të Përgjithshëm i FA, gjeneralmajor Xhemal Gjunkshi, zëvendësambasadorja e Turqisë në Tiranë, znj. Bengu Tetik, gjeneralë dhe drejtorë drejtorish të Ministrisë së Mbrojtjes dhe Shtabit të Përgjithshëm të FA, atasheu ushtarak turk në vendin tonë kolonel Nizametin Dogar, si dhe përfaqësues të tjerë të Zyrës së Kryesisë së Këshillit të Koordinimit dhe Bashkëpunimit Ushtarak të Republikës së Turqisë në Tiranë etj.

Lexoni më shumë...

Ministrja e Mbrojtjes Mimi Kodheli priti zëvendësndihmës sekretarin e Shtetit të SHBA, Hoyt Yee

Ministrja Kodheli: Shqipëria dhe shqiptarët janë përkrahës të përhershëm të SHBA.
Jemi të vendosur të arrijmë objektivat edhe pse kemi gjetur një situatë të dobët financiare buxhetore.


30 tetor 2013

Foto Galeri

Lexoni më shumë...Ministrja e Mbrojtjes, znj. Mimi Kodheli, ka pritur sot në një takim të veçantë zëvendësndihmës Sekretarin e Shtetit të SHBA, z. Hoyt Yee, i cili ndodhet në Tiranë për një vizitë zyrtare. Në këtë takim ishte i pranishëm edhe ambasadori i SHBA në Tiranë, z. Alexander Arvizu.
Ministrja Kodheli vlerësoi marrëdhëniet e shkëlqyera mes SHBA dhe Shqipërisë. Ajo theksoi se, qeveria shqiptare dhe Ministria e Mbrojtjes janë të angazhuara për të luftuar korrupsionin dhe për të përmirësuar klimën e biznesit. Gjithashtu ministrja Kodheli foli për mundësinë e shtrirjes së bashkëpunimit të mëtejshëm midis dy vendeve tona dhe Forcave të Armatosura, si dhe kërkoi mbështetjen e SHBA për integrimin e vendit në BE. “Shqipëria dhe shqiptarët janë përkrahës të përhershëm të SHBA”, ka nënvizuar më tej ajo.

Lexoni më shumë...

Zhvillohet Konferenca Finale e Integrimit të FA shqiptare me NATO

Kodheli: Shqipëria ёshtё tani mё e aftë për tё marrë pёrgjegjёsi brenda NATO me burimet e kërkuara tё mbrojtjes, kapacitetet infrastrukturore si dhe kapacitetet mbështetëse si një vend pritës.

Gjenerali Palomeros: Shqipëria mund të mos jetë vendi më i madh i NATO, por madhësia nuk ka shumë rëndësi në familjen tonë të madhe.

25 tetor 2013

Foto Galeri

Lexoni më shumë...Në sallën e auditoriumit të Komandës së Doktrinës dhe Stërvitjes (KDS) u zhvillua Konferenca Finale e Integrimit të FA të Republikës së Shqipërisë me NATO. Qëllimi i konferencës ishte identifikimi i mësimeve të nxjerra dhe arritjeve të deritanishme të Forcave të Armatosura të Republikës së Shqipërisë në procesin e integrimit me NATO.
Në këtë konferencë morën pjesë: ministrja e Mbrojtjes, znj. Mimi Kodheli, shefi i Shtabit të Përgjithshëm të FA, gjeneralmajor Xhemal Gjunkshi, komandantët e Forcave, drejtorët e drejtorive në Ministrinë e Mbrojtjes dhe Shtabit të Përgjithshëm, drejtuesit e grupeve sipas fushave të integrimit.

Lexoni më shumë...