Ministria e Mbrojtjes - Arkivi 2008-2013

Ministrja e Mbrojtjes Kodheli në Ministerialin e Mbrojtjes, SHBA-Karta e Adriatikut

Ministrja Kodheli: Shqipëria prej një kohe të gjatë është e angazhuar në Afganistan dhe do të vazhdojë të kontribuojë duke bashkëpunuar ngushtë me vendet e tjera, për të mbështetur akoma më shumë qeverinë afgane në forcimin e sigurisë dhe rimëkëmbjen e institucioneve. Shqipëria do të jetë pjesë e nismave të ndërmarra nga A5 për të ndihmuar Afganistanin në fushat e këshillimit ushtarak, policinë ushtarake, si dhe trajtimin mjekësor.

02 tetor 2013

Lexoni më shumë...Në kuadër të Ministerialit Gjithëpërfshirës të Rajonit 2013 (Comprehensive Regional Ministerial), që po organizohet në Brdo, Slloveni, ministrja e Mbrojtjes, znj. Mimi Kodheli, mori pjesë në Ministerialin e Mbrojtjes, SHBA-Karta e Adriatikut (A-5). Ministeriali i Mbrojtjes Karta e Adriatiktu (A-5), u hap nga ministri i Mbrojtjes malazez, z. Milica Pejanovič Đurišič, kryetari i mbledhjes së kësaj iniciative. Fillimisht, pjesëmarrësit u përshëndeten nga ministri i Mbrojtjes slloven z. Roman Jakič, i cili shprehu kënaqësinë e tij për pjesëmarrjen e të gjithë ministrave të vendeve anëtare të Kartës së Adriatikut.

Lexoni më shumë...

Ministrja e Mbrojtjes Kodheli merr pjesë në Ministerialin Gjithëpërfshirës të Rajonit

02 tetor 2013

Foto Galeri

Lexoni më shumë...Ministrja e Mbrojtjes, znj. Mimi Kodheli, prej datës 01 tetor 2013, ndodhet në Brdo, Kranj, të Sllovenisë, për të marrë pjesë në Ministerialin Gjithëpërfshirës të Rajonit 2013 (Comprehensive Regional Ministerial), i cili konsiston në dy takime: Ministeriali i Kartës së Adriatikut-SHBA (A-5), si dhe Ministeriali i Mbrojtjes së vendeve të Europës Juglindore (SEDM).
Në ditën e parë, ministrja e Mbrojtjes, znj. Mimi Kodheli, zhvilloi një takim dypalësh me ndihmësasistenten e sekretarit të Mbrojtjes të SHBA, znj. Evelyn Farkas.

Lexoni më shumë...

Kremtohet Dita Kombëtare e Trashëgimisë Kulturore

29 shtator 2013

Foto Galeri

Lexoni më shumë...Qendra e Kulturës, Medias dhe Botimeve të Mbrojtjes (QKMB) organizoi sot në ambientet e Muzeut të Forcave të Armatosura pranë Komandës së Doktrinës dhe Stërvitjes një veprimtari me rastin e 29-shtatorit, Ditës Kombëtare të Trashëgimisë Kulturore. Të pranishëm në këtë aktivitet kulturor ishin: Drejtori Përgjithshëm i Qendrës së Kulturës, Medias dhe Botimeve të Mbrojtjes, akademik Vasil Tole, Sekretari i Përgjithshëm i Akademisë së Shkencave, akademik Salvator Bushati, drejtoresha e Bashkëpunimit civilo-ushtarak, kolonele Manushaqe Shehu, ushtarakë dhe punonjës të Forcave të Armatosura, familjarë të tyre, si dhe mjaft të ftuar të tjerë.

Lexoni më shumë...

Ministrja e Mbrojtjes Kodheli inspekton Forcën Tokësore

24 shtator 2013

Foto Galeri

Lexoni më shumë...Ministrja e Mbrojtjes, znj. Mimi Kodheli, e shoqëruar nga shefi i Shtabit të Përgjithshëm i FA, gjeneralmajor Xhemal Gjunkshi, ka zhvilluar sot një inspektim në Komandën e Forcës Tokësore në Zall-Herr.

Fillimisht, ministrja e Mbrojtjes Kodheli u prit me Truproje Nderi nga komandanti i Forcës Tokësore, gjeneralmajor Zyber Dushku. Më pas ajo zhvilloi një takim me gjeneralmajor Dushkun në zyrën e tij, ndërsa më tej, në sallën e mbledhjeve të Komandës së Forcës Tokësore, ministrja Kodheli bëri një takim me shefat kryesorë të shtabit të kësaj komande.

Lexoni më shumë...

Ministrja e Mbrojtjes Kodheli vizitoi familjen e “Dëshmorit të Atdheut” kapiten Feti Vogli

20 shtator 2013

Foto Galeri

Lexoni më shumë...Sot në mesditë, ministrja e Mbrojtjes, znj. Mimi Kodheli, bëri një vizitë në familjen e “Dëshmorit të Atdheut” kapiten Feti Vogli në fshatin Baldushk të Tiranës, i cili më datë 20 shkurt 2012 ra në krye të detyrës gjatë kryrjes së misionit paqeruajtës në Kandahar të Afganistanit. Kjo vizitë është ndër aktivitetet e para që znj. Kodheli ka realizuar pas marrjes së detyrës të ministres së Mbrojtjes të Republikës së Shqipërisë. Gjatë kësaj vizite ministrja Kodheli shoqërohej nga deputeti i Kuvendit të Shqipërisë, z. Xhemal Qefalia dhe komandanti i Forcave Tokësore, gjeneralmajor Zyber Dushku. Ministrja e Mbrojtjes Kodheli u prit nga nëna, vëllai dhe motra e “Dëshmorit të Atdheut” kapiten Feti Vogli, si dhe nga të afërm të tjerë të kësaj familje.

Lexoni më shumë...