LajmeDeklaratë për shtyp e zëvendësministres së Mbrojtjes, Prof. Dr. Arta Musaraj mbi vendosjen e Sistemit të Automatizuar të Menaxhimit të Burimeve të Mbrojtjes
04 shtator 2013
Sot paradite, zëvendësministrja e Mbrojtjes, Prof. Dr. Arta Musaraj dha për mediat një deklaratë për shtyp, në të cilën theksoi:
Jam këtu në mbyllje të këtij mandati qeverisës për të prezantuar një arritje të shënuar të Ministrisë së Mbrojtjes, e cila ka të bëjë me vendosjen e Sistemit të Automatizuar të Menaxhimit të Burimeve të Mbrojtjes.
Krahas arritjeve të tjera të dukshme në fushën e reformave të mbrojtjes, kjo shënon edhe një trashëgimi me vlerë në asetet e mbrojtjes shqiptare, duke përmbushur kësisoj një nga standardet më të rëndësishme të NATO për sa i takon automatizimit dhe centralizimit të menaxhimit të burimeve të mbrojtjes.
Ministri i Mbrojtjes Arben Imami mori pjesë në stërvitjen “Albanian Lion 2013”
02 shtator 2013
Në Bazën Detare të Pashalimanit u zhvillua dje “Dita e Vizitorëve të Shquar” të stërvitjes së koduar “Albanian Lion 2013”. Kjo stërvitje zhvillohet në kuadër të bashkëpunimit midis FA të Shqipërisë dhe FA të Mbretërisë së Bashkuar. Të pranishëm në këtë aktivitet ishin: presidenti i Republikës së Shqipërisë, z. Bujar Nishani, ministri i Mbrojtjes, z. Arben Imami, ministri i Forcës së Sigurisë së Kosovës, z. Agim Çeku, shefi i Shtabit të Përgjithshëm i FA, gjeneralmajor Xhemal Gjunkshi, Komandanti i FSK, gjenerallejtënant Kadri Kastrati, ambasadori i Mbretërisë së Bashkuar në vendin tonë, z. Nicholas Cannon, si dhe personalitete të tjera politike dhe ushtarake.
Ministri i Mbrojtjes, z. Arben Imami dekoron atasheun ushtarak të Gjermanise dhe Polonisë
Ministri i Mbrojtes z. Arben Imami ka dekoruar sot atasheun ushtarak të Gjermanisë, N.kolonel, Arnold Meier dhe Atasheut Ushtarak të Polonisë Kolonel, Rafal Jarmuzek . Në ceremoninë e organizuar me këtë rast në ambientet e Ministrisë së Mbrojtjes morën pjesë, përfaqësues nga ambasada gjermane dhe polake në Tiranë si dhe titullarë të tjerë nga Ministria e Mbrojtjes dhe Shtabi i Pergjithshëm i Forcave të Armatosura.
Sqarim mbi procedurat e ankandeve
Ministria e Mbrojtjes sqaron opinionin publik në lidhje me procedurën e ankandit “Shitje lëndë e parë e KFA”
26 gusht 2013
Traktet e Partisë Socialiste vijuan sot serinë e sulmeve kundër Ministrit të Mbrojtjes me një fushatë shpifjesh dhe mashtrimi për një procedurë ankandi tërësisht ligjore dhe të anuluar nga vetë Ministria e Mbrojtjes. Sqarojmë opinionin publik se asnjë vendim i Ministrisë së Mbrojtjes nuk është marrë dhe nuk merret në varësi të shpifjeve të këtyre medieve të dirigjuara nga interesa klienteliste dhe partiake. Procedura në fjalë me objekt “Shitje lëndë e parë e KFA”, është anuluar nga Ministri i Mbrojtjes me datë 22.08.2013, për shkak se vetë Drejtoria e Prokurimeve kishte konstatuar pasaktësi në përcaktimin e çmimeve të disa prej artikujve nga 1302 të tillë.
