Ministria e Mbrojtjes - Arkivi 2008-2013

Lirimet e ushtarakëve në përputhje me ligjin

19 korrik 2013

Lexoni më shumë...Fletushkat e Partisë Socialiste vijuan me serinë e shpifjeve kundër ministrit të Mbrojtjes për një proces krejtësisht transparent dhe në përputhje të plotë me ligjin. Lirimi i personelit ushtarak është kryer në zbatim të ligjit "Për gradat dhe karrierën ushtarake në FA të RSH", i cili përcakton qartë kohën maksimale të qëndrimit në shërbim në një gradë. Zbatimi i këtij ligji është detyrim i Ministrisë së Mbrojtjes dhe qëllimi i tij është ruajtja e piramidës së gradave në FA dhe promovimi në detyrë i personelit të graduar rishtazi, si dhe përshtatjen e tij gradë-funksion. 

Kjo është një procedurë rutinë në Ministrinë e Mbrojtjes që bëhet çdo vit dhe personeli ushtarak që plotëson kohën e qëndrimit në gradë bëhet nga sistemi elektronik i menaxhimit të burimeve njerëzore. Mosveprimi nga ana e Ministrisë së Mbrojtjes për të zbatuar këtë ligj do të ishte shkelje e tij.
 

Uniformat, arritje e FA. Tenderi, në përputhje me ligjin

18 korrik 2013

Lexoni më shumë...Sulmet për parregullsi ligjore në prokurimin e uniformave të FARSH nga disa gazeta të Partisë Socialiste janë historia e radhës e trilluar kundër Ministrit të Mbrojtjes.
Në respekt të opinionit publik, Ministria e Mbrojtjes sqaron se, Projekti i uniformave të reja të Forcave të Armatosura është një ndër projektet më të rëndësishëm dhe të suksesshëm të realizuar gjatë viteve të fundit nga Ministria e Mbrojtjes.
Projekti ka filluar në vitin 2010 me dizajnimin e uniformës ushtarake, duke e larguar atë nga stili i vjetër sovjetik. Uniforma e re e konceptuar nga një prej kompanive më të mira ndërkombëtare në fushën e dizajnit të uniformës ushtarake, proces i mbikëqyrur nga një grup ekspertësh nga më të mirët në Shqipëri, i përbërë nga ushtarakë, specialist të artit të grafikës, pedagogë, historianë, etj, është një ndër uniformat më të arrira të ushtrive të NATO-s, në përmbushje të standardeve të NATO-s.

Lexoni më shumë...

MM nuk shet prona, sulmet me frymëzim personal

15 korrik 2013

Lexoni më shumë...Ministria e Mbrojtjes sqaron opinionin publik se sulmet për shitjen e disa pronave nga ndonjë deputet socialist dhe gazeta të Partisë Socialiste për një proces i cili nuk ka asnjë lidhje me Ministrinë e Mbrojtjes, janë sulme me frymëzim personal kundër ministrit të Mbrojtjes. Pronat në fjalë kanë dhjetë vjet që kanë dalë nga Plani i Përhapjes së Forcave të Armatosura nga ish ministra socialistë që kanë drejtuar Ministrinë e Mbrojtjes dhe sipas ligjit i janë dorëzuar Ministrisë së Ekonomisë për vijimin e procedurave ligjore. Siç shihet qartë në dokumentin e publikuar, shitja e këtyre pronave nuk bëhet nga Ministria e Mbrojtjes por nga Drejtoria e Shitjes së Pronave Publike në Ministrinë e Financave.

Lexoni më shumë...

Përfundoi Kursi i Lartë i Oficerit dhe Kursi i Komandës dhe Shtabit të Përgjithshëm

11 korrik 2013

Foto Galeri

Lexoni më shumë...Sot paradite, në Komandën e Doktrinës dhe Stërvitjes u zhvillua ceremonia e diplomimit të kursantëve që përfunduan Kursin e Lartë të Oficerit dhe Kursin e Komandës dhe Shtabit të Përgjithshëm për vitin akademik 2012-2013 në Akademinë e Forcave të Armatosura. Në këtë ceremoni morën pjesë zëvendësministrat e Mbrojtjes, z. Ekrem Spahiu dhe znj. Arta Musaraj, shefi i Shtabit të Përgjithshëm i FA, gjeneralmajor Xhemal Gjunkshi, komandanti i Doktrinës dhe Stërvitjes, gjeneral brigade Bardhyl Hoxha, përfaqësues të CUBIC, gjeneralë dhe ushtarakë të lartë të Forcave të Armatosura, drejtorë dhe autoritete të tjerë të lartë të Ministrisë së Mbrojtjes dhe Shtabit të Përgjithshëm të FA, familjarë të diplomuarve, etj. Fjalën e hapjes së ceremonisë e mbajti rektori dhe komandanti i Akademisë së Forcave të Armatosura, kolonel. dr. Agim Sula.

Lexoni më shumë...

Prezantohen në detyrat funksionale gjeneralët e rinj të Forcave të Armatosura

09 korrik 2013

Foto Galeri

Lexoni më shumë...Shefi i Shtabit të Përgjithshëm i FA, gjeneralmajor Xhemal Gjunkshi, me ceremoni të veçanta ka prezantuar sot paradite komandantët e rinj të Forcës Ajrore, Brigadës së Mbështetjes Rajonale dhe drejtorin e Përgjithshëm të Agjencisë së Inteligjencës së Mbrojtjes.
Ceremonia e parë është zhvilluar në Komandën e Forcës Ajrore ku gjeneralmajor Gjunkshi prezantoi komandantin e ri të kësaj strukture të rëndësishme të FA të Shqipërisë, gjeneral brigade Frederik Beltoja, i cili pak ditë më parë me dekret të Presidentit të Republikës, z. Bujar Nishani i është dhënë grada gjeneral brigade.

Lexoni më shumë...