Ministria e Mbrojtjes - Arkivi 2008-2013

Ministri i Mbrojtjes Imami merr pjesë në ceremoninë e dekorimit të z. Donald Rumsfeld

17 qershor 2013

Foto Galeri

Lexoni më shumë...Ministri i Mbrojtjes, z. Arben Imami, ka marrë pjesë në ceremoninë e organizuar sot në selinë e Presidencës së Republikës me rastin e dekorimit nga Presidenti i Republikës, z. Bujar Nishani, të ish-sekretarit të Mbrojtjes të Shteteve të Bashkuara të Amerikës, z. Donald Rumsfeld.
Në këtë ceremoni ka qenë i pranishëm kryeministri i Shqipërisë, z. Sali Berisha, ish-ministri i Mbrojtjes dhe aktualisht ministër i Mjedisit, Pyjeve dhe Administrimit të Ujërave, z. Fatmir Mediu, kryetari i Komisionit Parlamentar për Sigurinë Kombëtare, z. Leonard Demi, shefi i Shtabit të Përgjithshëm i FA, gjeneralmajor Xhemal Gjunkshi, etj.

Lexoni më shumë...

U zhvillua takimi i ministrave të Mbrojtjes së Kartës së Adriatikut

14 qershor 2013

Foto Galeri

Lexoni më shumë...Është zhvilluar sot në Ohër të Maqedonisë Takimi i Ministrave të Mbrojtjes së Kartës së Adriatikut, A5 me tematikë “Punojmë së bashku drejt paqes dhe sigurisë globale”. Në këtë takim ishin të pranishëm: ministri i Mbrojtjes së Maqedonisë, z. Talat Xhaferi, ministri i Mbrojtjes i Bosnje-Hercegovinës, z. Zekerijah Osmic, zv.ministria e Mbrojtjes së Shqipërisë, znj. Arta Musaraj, ministri i Mbrojtjes i Kroacisë, z. Ante Kotromanovic, ndërsa Mali i Zi u përfaqësua nga ambasadori i tij në Shkup, z. Dushan Mrdovic. Gjithashtu në këtë ministerial mori pjesë si i ftuar ministri i Forcës së Sigurisë së Kosovës, z. Agim Çeku.

Lexoni më shumë...

Nënshkruhet akt-marrëveshja midis Ministrisë së Mbrojtjes dhe Aleancës Kombëtare të Ushtarakëve të Shqipërisë

13 qershor 2013

Foto Galeri

Lexoni më shumë...Është zhvilluar sot në ambientet e Qendrës së Kulturës, Medias dhe Botimeve të Mbrojtjes ceremonia e nënshkrimit të akt-marrëveshjes për bashkëpunimin ndërmjet Ministrisë së Mbrojtjes, Shtabit të Përgjithshëm të FA dhe Aleancës Kombëtare të Ushtarakëve të Shqipërisë (AKUSH). Në këtë ceremoni ishin të pranishëm: zëvendësministrja e Mbrojtjes, prof. dr. Arta Musaraj, shefi i Shtabit të Përgjithshëm i FA, gjeneralmajor Xhemal Gjunkshi, gjeneralë, ushtarakë të lartë të Ministrisë së Mbrojtjes dhe Shtabit të Përgjithshëm, drejtues dhe anëtarë të Aleancës Kombëtare të Ushtarakëve të Shqipërisë.

Lexoni më shumë...

Çmim ndërkombëtar për kremtimin e zgjidhjeve të qëndrueshme për demontimin

Shqipëria udhëheq rrugën në rajon në procesin e demontimit

6 qershor 2013

Lexoni më shumë...World Future Council (Këshilli për të Ardhmen e Botës) shpall sot Planin Kombëtar të Veprimit të Republikës së Shqipërisë për Asgjësimin e Municioneve të Tepërta 2009 si kandidat për Future Policy Award 2013, (Çmimin e Politikës të së Ardhmes për vitin 2013). Në partneritet me Zyrën e Kombeve të Bashkuara për Çështjet e Demontimit (UNODA - the United Nations Office for Disarmament Affairs) dhe Unionin Ndër-Parlamentar (IPU - Inter-Parliamentary Union), çmimi i këtij viti synon të nxjerrë në pah ato politika të demontimit të cilat kontribuojnë për arritjen e paqes, zhvillimit të qëndrueshëm dhe sigurisë së njerëzimit.

Lexoni më shumë...

Mbyllet me sukses, Festivali i Formacioneve Muzikore Ushtarake të vendeve të NATO, për rajonin e Mesdheut

07 qershor 2013

Foto Galeri

Lexoni më shumë...Pas katër netësh, është ulur mbrëmë sipari i Festivalit të Formacioneve Muzikore Ushtarake të vendeve të NATO, të rajonit të Mesdheut që u organizua nga Qendra e Kulturës, Medias dhe Botimeve të Mbrojtjes, nën kujdesin e veçantë të ministrit të Mbrojtjes, z. Arben Imami. Në natën e fundit ka prezantuar koncertin e saj, Orkestra Frymore e Forcave të Sigurisë së Kosovës, në sallën e madhe të QKMBM. Në koncert ishin të pranishëm zëvendësministrja e Mbrojtjes, znj. Arta Musaraj, sekretarja e Ambasadës të Republikës së Kosovës në Tiranë, Ifete Çeku, punonjës e ushtarakë të lartë të Ministrisë së Mbrojtjes, FA, QKMBM, përfaqësues të orkestrave frymore të vendeve pjesëmarrëse në festival si dhe mjaft qytetarë të ftuar të kryeqytetit.

Lexoni më shumë...