Newsroom Zhvillohet ceremonia e gradimit të dy gjeneralëve, Xhaçka: Krijimi i shanseve të barabarta dhe meritokracia, prioritetet tona të panegociueshme
Në mjediset e Shtabit të Përgjithshëm të FA, u zhvillua ceremonia e gradimit të gjeneralmajor Nazmi Cahani dhe gjeneral brigade Albert Mullai.
E pranishme në këtë ceremoni, ministrja e Mbrojtjes, u shpreh se të dy gjeneralët kanë treguar profesionalizëm, integritet dhe përkushtim të spikatur gjatë punës së tyre.
“Nën drejtimin e gjeneral Cahanit, Forca Tokësore ka arritur rezultate të rëndësishme, ndër të cilët do veçoja punën e palodhur dhe certifikimin me sukses të Grup - Batalionit të Këmbësorisë së Lehtë si dhe angazhimet në Emergjencat Civile. Po kështu, edhe Akademia e Nënoficerëve, nën drejtimin e gjeneral Mullallit është transformuar në një institucion efikas për formimin e korpusit të nënoficerëve, kaq të rëndësishëm për misionin e FA".
Gjithashtu, Ministrja Xhaçka, theksoi se krijimi i shanseve të barabarta dhe meritokracia në ecurinë në karrierë të personelit të FA do të jetë një nga prioritetet e panegocueshme.
Gjeneralmajor Nazmi Cahani me një përvojë ushtarake 32 – vjeçare, aktualisht mban postin e komandantit të Forcës Tokësore, ndërsa gjeneral brigade Albert Mullai me një eksperiencë 30 – vjeçare, mban postin e komandantit të Akademisë së Nënoficerëve.
