Newsroom Në 106 - Vjetorin e Krijimit të Forcave të Armatosura, Xhaçka publikon foton e rrallë
Ministrja e Mbrojtjes, Olta Xhaçka në 106 - Vjetorin e Krijimit të Forcave të Armatosura të Republikës së Shqipërisë, ka postuar në rrjetet sociale një fotografi, e cila publikohet për herë të parë.
Në të janë 4 ushtarakë shqiptarë në ditët e para të krijimit të Ushtrisë Kombëtare më 1912.
“Dua të uroj gjithë burrat dhe gratë që kanë shërbyer në uniformë, gjatë 106 viteve të historisë së Forcave të Armatosura. Faleminderit për kontributin!”, shkruan ministrja në postimin e saj.
Në 4 dhjetor 1912, disa ditë pasi Ismail Qemali, vendosi gurin e parë në themelet e shtetit shqiptar, një nga dekretet e para dhe ndër më të rëndësishmit, që ai firmosi, ishte krijimi i Ministrisë së Luftës dhe krijimi i Ushtrisë Kombëtare.
