Fjala e plotë e ministres së Mbrojtjes znj. Olta Xhaçka me rastin e 20 - Vjetorit të Krijimit të Batalionit të Forcave Speciale

Të nderuar miq dhe vizitorë specialë!

20 vjet më parë, një grup i përzgjedhur ndër më të mirët e Forcave tona të Armatosura, të drejtuar nga kolonel Hysen Ymeri, hodhën themelet e para të historisë suaj, duke i dhënë jetë projektit për ndërtimin e Forcave Speciale shqiptare.

20 vjet histori, 20 vjet angazhime në detyra nga më të vështirat dhe më të rrezikshmet.

Ndoshta për statistikat historike, 20 vjet duken pak, por nuk është pak ajo çfarë këta djem i kanë dhënë dhe vijojnë t’i japin historisë së Forcave tona të Armatosura dhe vendit tonë.

Sot, nuk harrojmë të kujtojmë dhe të përulemi me respekt, ndaj sakrificës së Dëshmorit të Atdheut, Kapiten Feti Vogli, i cili dha jetën gjatë kryerjes së misionit në Afganistan. Ky repart mbetet shtëpia shpirtërore e dëshmorit tonë.

Përgjatë 20 vjetëve, Forcat tona Speciale ia kanë dalë me sukses të pasurojnë CV e tyre me një gjeografi dhe shumëllojshmëri angazhimesh, operacionesh, në vende me rrezikshmëri të lartë dhe të jenë trupa më elitare e Forcave tona të Armatosura. Kjo trupë është një aset kombëtar dhe këta djem janë krenaria e Forcave tona të Armatosura, krenaria e vendit tonë, krenaria e secilit prej nesh. Janë heronj të heshtur për të cilët flet vetë historia. Falë tyre flamuri ynë është valëvitur krenar, përkrah flamujve të aleatëve tanë, në teatrot më të vështira të operacioneve, që nga Mosuli i largët deri tek Kandahari i frikshëm.
Jam ndjerë krenare kur kam vizituar trupat tona në operacione dhe kur kam marrë prej komandantëve të operacioneve të drejtuara nga NATO vlerësimet maksimale dhe të merituara për Forcat tona Speciale.

Të nderuar ish pjesëtarë të Forcave Speciale,

ju tashmë e keni përmbushur me sukses misionin tuaj dhe jeni bërë pjesë e historisë së këtij reparti. Emrat tuaj janë regjistruar në panteonin e historisë së Forcave Speciale. Përkushtimi, profesionalizmi dhe idealizmi juaj shërbejnë si frymëzim për brezat që vijnë.

Faleminderit për kontributin tuaj. Mbeteni pjesë e përhershme e kësaj familje të madhe speciale.

Të dashur familjarë të pjesëtarëve të Forcave Speciale,

në historinë e suksesit të Forcave Speciale, ju keni rolin tuaj të veçantë dhe të pazëvendësueshëm. Pavarësisht se ju nuk jeni pjesë e organikës së këtij reparti, ju jeni pjesëtarë realë të këtyre forcave.

Mbështetja e pakufishme për bashkëshortët tuaj, që shpesh herë ju kanë munguar në familje edhe kur ju keni pasur nevojë për ta dhe sakrifica që ju keni bërë, është kontributi më njerëzor dhe më me vlera që ju mund të jepnit.

Është pikërisht kjo mbështetje, që u ka dhënë forcë këtyre djemve për të kryer detyrat e tyre. Asnjë më mirë se ju, nuk mund të kuptojë rrezikun e këtij profesioni, pritjet e gjata dhe shqetësuese deri në kthimin e familjarëve shëndoshë e mirë nga detyrat e tyre jo të lehta. Por sakrifica juaj nuk ka shkuar kot. Falë kësaj sakrifice, familjet tuaja, familjet tona, familjet e të gjithë shqiptarëve sot janë më të sigurta. Këta djem janë jo vetëm heronjtë tuaj, por edhe heronjtë tanë. Ne do t’ju jemi përherë mirënjohës për këtë ndihmë të pa çmuar.

Në këtë përvjetor, do të doja të shprehja falenderimet e mia edhe për aleatët dhe miqtë tanë, Turqia dhe SHBA për asistencën e tyre profesionale dhe bujare në përgatitjen e Forcave tona Speciale. Dhe kjo trupë e stërvitur së bashku me aleatët e ka shpërblyer këtë asistencë në fushën e operacioneve, duke vepruar dhe kryer detyra së bashku me ta.

Forcat tona Speciale, kjo forcë e vogël, po me një mision të madh, do të kenë vëmendjen dhe mbështetjen tonë për të marrë vlerësimet e duhura për punën që ata kryejnë.

Natyrisht që një vend ka nevojë për shkolla, kopshte, spitale dhe shumë shërbime të tjera, por fëmijët tanë dhe brezat që do të vijnë, nuk do të arrinin t’i gëzonin dot këto të mira, nëse nuk do të ishin të lirë dhe të sigurt. Siguria sot është mbi gjithçka dhe këta djem, janë këtu pikërisht si gardianë të lirisë dhe të sigurisë së vendit tonë dhe si të tillë duhet të trajtohen ashtu siç e meritojnë.

Gjithashtu, ne do të vijojmë punën që kjo forcë të modernizohet më tej dhe mbetet në lartësinë e detyrës.

Jeni vërtet specialë dhe vendi do t’ju jetë përherë mirënjohës për çfarë ju keni bërë dhe vijoni të bëni.

Suksese në misionin tuaj fisnik!

Ju faleminderit!

Submit to FacebookSubmit to Google PlusSubmit to TwitterSubmit to LinkedIn


Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Buletini mujor nëntor 2018Ditari, të rejat kryesore nëntor 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 12 (2018) Dhjetor 2018Numri i fundit i revistës "Mbrojtja"...
Gazeta Ushtria 30 nëntor 2018Numri i fundit i të përjavshmes gazeta "Ushtria"...






Arkivi Lajmeve
Dhjetor 2018
Ma En Pr Sh Di
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6