Fjala e ministres së Mbrojtjes Olta Xhaçka me rastin e ndërrimit të komandantit të Forcës Tokësore

Fjala e ministres së Mbrojtjes Olta Xhaçka me rastin e ndërrimit të komandantit të Forcës Tokësore.
Ceremonia u zhvillua ne mjediset e Komandës së Forcës Tokësore ne Zall-Herr.

I nderuar gjeneral Kollçaku,
të nderuar gjeneralë,
të nderuar ushtarakë,

sot, pas më shumë se tre vjetësh në krye të Forcës Tokësore, gjeneralmajor Nazmi Cahani, ia le këtë detyrë gjeneral brigade Albert Mullait.

Jemi këtu për të shënuar përfundimin me sukses të shërbimit në këtë detyrë shumë të rëndësishme të gjeneral Cahanit, për t’i shprehur falënderimet tona dhe mirënjohjen tonë për punën e bërë, për rezultatet e arritura dhe kontributin e dhënë në krye të Forcës Tokësore.

Forca Tokësore është struktura më e rëndësishme e Forcave tona të Armatosura dhe, si e tillë, ajo mban peshën kryesore të detyrave dhe të angazhimeve si brenda ashtu edhe jashtë vendit. Më vjen mirë që përgjatë këtyre tre viteve intensive, gjeneral Cahani udhëhoqi me profesionalizëm, me përkushtim dhe me standarde të larta njësinë më të madhe të Forcave tona të Armatosura drejt arritjeve të cilat tashmë janë të njohura dhe të vlerësuara jo vetëm në vendin tonë, por edhe në Aleancën e NATO.

Do të doja të përmendja arritjen ndoshta më të rëndësishme të këtyre kohëve të fundit, atë të certifikimit të Grup - Batalionit të Këmbësorisë Lehtë, një arritje që na bën krenarë dhe na nxjerr faqebardhë dhe me detyrë të realizuar përpara familjes sonë Aleancës së NATO.

Dua të sjell në kujtesë stërvitjet e mëdha kombëtare dhe ndërkombëtare, por pa lënë pa përmendur edhe një nga frontet kryesore të angazhimeve, atë të përballimit të Emergjencave Civile, në të cilat Forca Tokësore po ashtu ka luajtur një rol shumë të rëndësishëm në ndihmë të komunitetit.

Jam e sigurt se gjeneral Cahani nuk do të lerë këtu në Zall - Herr thjesht portretin e tij zyrtar në ndërtesën e komandës, por do të lerë një trashëgimi të vërtetë rezultatesh të rëndësishme dhe të prekshme.

Të dy gjeneralët, si Cahani edhe Mullai, kanë patur një karrierë brilante dhe një performancë të spikatur gjatë karrierës së tyre. Është një karrierë e ndërtuar hap pas hapi dhe e bazuar në meritokraci, në punë dhe përkushtim. Jo rastësisht vlerësimet institucionale apo ato zyrtare, në rastin e tyre, përputhen plotësisht edhe me vlerësimet personale të vartësve, kolegëve dhe bashkëpunëtorëve të tyre përgjatë udhëtimit në karrierën ushtarake. Është nga ato lloj model karriere që mund të shërbejë si shembull dhe frymëzim edhe për shumë ushtarakë të tjerë që ndoshta mund të jenë në fillimet e karrierës. Nesër gjithkush prej tyre mund të jetë gjeneral Cahani apo gjeneral Mullai; gjithkush prej tyre mund të drejtojë njësi të rëndësishme të Forcave të Armatosura apo të shërbejë në struktura të rëndësishme të NATO. 

Puna e palodhur, përkushtimi, profesionalizmi gjithmonë do të shpërblehen. Kjo është motoja e punës sonë, është motoja e punës sime është objektivi i punës sime është objektivi që ne i kemi vënë vetes dhe është standardi i panegociueshëm që ne do të zbatojmë në të gjitha strukturat e FA.

Gjeneral Cahani, i kuptoj emocionet tuaja sot, pasi Forca Tokësore ka qenë familja juaj për tre vjet dhe besoj se do t’ju mungojnë shumë gjera pas largimit tuaj. Por, jam e bindur se, keni lënë në Forcën Tokësore një emër të mirë dhe një trashëgimi për t’u ndjekur si model. Besoj gjithashtu se kjo eksperiencë e jashtëzakonshme dhe shumë e vlefshme do t’ju shërbejë edhe në detyrën e re.

Por puna dhe zhvillimi më tej i FT nuk ka përfunduar dhe kemi shumë sfida të tjera janë përpara.

Ndërrimet e komandave, përveç anës ceremoniale, janë një event i rëndësishëm në jetën dhe të ardhmen e një strukture, pasi ndryshon mënyra e drejtimit dhe njësia natyrshëm merr formën dhe tiparet e drejtuesit.

Dhe në këtë kuptim unë shpreh bindjen time të plotë se general Mullai do të vijojë jo vetëm të çojë përpara stafetën aty ku e la gjeneral Cahani, por nën drejtimin e gjeneral Mullait, Forca Tokësore jam e bindur do të vijojë të jetë aty ku e ka vendin, në lartësinë e detyrave që i ngarkon kushtetuta, por edhe në lartësinë e sfidave të reja që kemi përpara.
Sa më takon, dua t’i shpreh dhe dua ta siguroj gjeneral Mullain se në Ministrinë e Mbrojtjes dhe në Shtabin të Përgjithshëm do të keni gjithë mbështetjen e duhur për të realizuar qëllimin tonë të përbashkët, përmbushjen e misionit që i është ngarkuar Forcës Tokësore dhe Forcës së Armatosur në përgjithësi.

Nuk më mbetet gjë tjetër, vetëm t’i uroj Gjeneral Cahanit punë të mbarë dhe suksese në detyrën e nderuar që e pret. Jam më se e bindur se me urtësinë, thjeshtësinë dhe profesionalizmin tuaj do t’ia dilni mbanë me sukses dhe do të na përfaqësoni denjësisht në familjen tonë të madhe, NATO.

Po ashtu dua t’i uroj nga zemra punë të mbarë dhe suksese në krye të Forcës Tokësore edhe komandant Mullait (më lejoni që të jem e para që t’ju drejtohem me këtë titull). Uroj dhe jam besimplotë se me aftësitë tuaja profesionale, me eksperiencën dhe inteligjencën tuaj do t’ia dilni të çoni përpara arritjet e Forcës Tokësore.

Urime edhe Forcës Tokësore për komandantin e ri!

Submit to FacebookSubmit to Google PlusSubmit to TwitterSubmit to LinkedIn


68 vjet Arma e Aviacionit 24 prill 2019Hapi i parë për të krijuar një Aviacion Ushtarak në Shqipëri, u hodh në 1914, kur qeveria shqiptare porositi blerjen e...
Shqipëria 10 vite në NATO Mars 2019Viti 2019 përkon me 10 - Vjetorin e Anëtarësimit të vendit tonë në NATO, më 1 Prill 2009...
Ditari Javor 2019Ditari, të rejat kryesore të javës...
Ministeriali i Mbrojtjes, Bruksel 26 - 27 qershor 26 - 27 qershor 2019Ministrja e Mbrojtjes, Olta Xhaçka mori pjesë në Ministerialin e Zëvendësministri i Mbrojtjes Petro Koçi mori pjesë në punimet e Ministerialit të Mbrojtjes të NATO që u zhvillua në Bruksel,...
Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2019Janar 2019 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 08 (2019) Gusht 2019Numri i fundit i revistës "Mbrojtja"...
Gazeta Ushtria 23 gusht 2019Numri i fundit i të përjavshmes gazeta "Ushtria"...






Arkivi Lajmeve
Gusht 2019
Ma En Pr Sh Di
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1